30 Belemgbunli ne zele kɛ, “Twe ɛ nwo kɔgyinla nehane.” Yemɔti ɔhɔgyinlanle ahane.
Belemgbunli ne bizale ye kɛ, “Kakula Abesalɛm anwo kɔlɔnwo ɔ?” Ahaemaze buale ye kɛ, “Mɔɔ Dwowabe zoanle me la, menwunle kɛ ɛnee ɛkɛ ne ɛyɛ begyebegye zɛhae, noko meangola meannwu deɛ holɛ ko ne.”
Akee Sudanenli akɛlɛ ne ɔdaye ɔrale na ɔrahanle kɛ, “Melɛ amaneɛ fɛlɛko melɛbɛlɛ me awulae belemgbunli. Ɔluakɛ Ɛdɛnkɛma ɛlie wɔ ɛvi kpɔvolɛma mɔɔ honle tiale wɔ la asa anu ɛnɛ.”