2 Sam 18:3 - BAEBOLO ANZƐƐ BULUKU NWUANZANWUANZA

³ Na menli ne zele ye kɛ, “Nana, ɛngɔ bie. Ɔluakɛ yɛmɛ, saa ɔkyele zolɛ na yɛnriandi bɔbɔ a, menli ɛnrɛdwenle yɛ nwo. Saa bɛbu yɛ nuhua nwiɔ na bɛku ko a, bɛnrɛdwenle yɛ nwo. Na wɔmɔ, ɛsonle bolɛ ɛtɛla yɛ nuhua apenle kɛyɛ bulu; yemɔti ɔle kpalɛ kɛ ɛkɛdɛnla suakpole ye azo na ɛkɛrɛlɛ yɛ moalɛ ala.”

2 Sam 18:3 ပူးပေါင်းရင်းမြစ်များ

2 Sam 10:11

Akee ɔzele kɛ, “Saa ɛnea na Seleama kpondɛ avo me nwo zo a, bɛla baboa me. Saa medame noko menwu kɛ Amɔnoma kpondɛ avo ɛ nwo zo a, mebara mearaboa wɔ.

2 Sam 17:2

Mebahɔfofo ɔ nwo zo wɔ mekɛ mɔɔ ɛnee yevɛ na ɔ rɛle ɛbɔ la. Ɔ nye zo bada ye kpole bie na menli mɔɔ li ɔ nzi la banriandi agua ɛbɔ nu.

2 Sam 21:17

Na Zɛluaya ara Abehyae raboale ye; ɔtetale Filisitianli kakanyinli ne na ɔhunle ye. Akee Devidi menli ne hanle ndane dole ɔ nwo kɛ, “Ɔvi ɛnɛ mɔɔ kɔ la, ɛngɔ konle bieko, anrɛɛ ɛkɛmaa Yizilayɛ kɛnlaneɛ ne kɛnlu.”

1 Arl 22:31

Selea belemgbunli ne zele ye safohyenle mgbanyinli abulasa nee nwiɔ ne mɔɔ fa konle ehwili a ko la kɛ, “Bɛmmatoa kakula anzɛɛ kpanyinli biala bɛ nee ye ko; bɛdoa Yizilayɛ belemgbunli mumua ne bɛ nee ye ɛho.”

Gyɛlɛmaya Awolɛyelɛ 4:20

Mɔɔ Ɛdɛnkɛma ɛye ye ɛmaa yɛ, na ɔle yɛ ɛnwomenle la, bɛhye ye bɛ ɛhane nu. Yemɔ a yɛhanle ɔ nwo edwɛkɛ kɛ, “Saa yɛwɔ ɔ bo a, yɛnzulo maanle maanle ne mɔ” a.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

1 Sam 18:7

Wɔ fɛlɛkolilɛ ne anu bɛdole edwɛne bɛzele kɛ, “Sɔɔlo ɛhu apenle apenle, na Devidi ɛhu apenle apenle bulu.”