2 Sam 18:24 - BAEBOLO ANZƐƐ BULUKU NWUANZANWUANZA

²⁴ Ɛnee Devidi de suakpole ne anuhɔlɛ nlenkɛ mgbole nwiɔ ne mɔɔ ko wɔ ɔ kunlu, ko wɔ ɔ nzi la avinli. Sinzavolɛ ne luale bane ne anwo vole hɔle anuhɔlɛ ne ati zo. Na mɔɔ ɔmanle ɔ nye zo la, ɔnwunle kɛ nrenya ko lɛ ɛnriandilɛ ɛlɛba.

2 Sam 18:24 ပူးပေါင်းရင်းမြစ်များ

2 Sam 13:34

Akee Abesalɛm nriandile. Mekɛ ne anu ala, ɛlɔnenli ne mɔɔ ɛlɛsinza la dole ɔ nye, na ɔnwunle kɛ menli dɔɔnwo vi Hɔlɔneeyem adenle zo ɛlɛtolo boka ne ara.

2 Sam 18:23

Ahaemaze zile zolɛ kɛ, “Kɛ ɔkɛyɛ biala la, ɔwɔ kɛ mekɔ.” Dwowabe zele ye kɛ, “Ɛnee kɔ ɛ!” Na Ahaemaze hanle guale ye, ɔvale Dwɔdan Bɔnza ɔhɔzenle Sudanenli ne anwo.

2 Sam 18:25

Sinzavolɛ ne manle ɔ ne zo na ɔbɔle belemgbunli amaneɛ. Na belemgbunli ne zele kɛ, “Saa ɔdaye ɔ ngome ɛdeɛ a ɛnee ɔ nee amaneɛ fɛlɛko lua.” Na ɛnee ahenle lɛ ɛnriandilɛ kpalɛ a ɛlɛba a, na yebikye.

2 Sam 18:4

Belemgbunli ne zele kɛ, “Debie biala mɔɔ bɛdabɛ bɛdwenle nwo a ɔle kpalɛ la menwɔyɛ.” Akee belemgbunli ne gyinlanle suakpole ne anlenkɛ kpole ne foa ko wɔ mekɛ mɔɔ ye ɛlɔnema ne zile nu ekpunli ekpunli apenle apenle nee ɛya ɛya kɛ bɛkɔ la.

2 Sam 19:8

Belemgbunli ne dwazole na ɔhɔdendɛle suakpole ne anlenkɛ kpole ne anloa. Bɛhɔhanle bɛhilele menli ne mɔ kɛ, “Belemgbunli ne de anlenkɛ kpole ne anloa.” Na menli ne mɔ kɔsɔɔti hɔbɔle yiale ye. Yizilayɛma kɔsɔɔti ɛnriandi. Ko biala ɛhɔ ɔdaye ye sua zo.

1 Sam 4:13

Mɔɔ nrenya ne dwule suakpole ne azo la ɛnee Yilae de ebia nu wɔ adenle ne foa ko na ɔ nye gyi adenle zo, ɔluakɛ ɛnee ye adwenle kɔsɔɔti gyi Nyamenle Ngyekyeleɛ Ɛlɛka ne azo. Mɔɔ nrenya ne bɔle ye amaneɛ ne wiele la, ɛzulolɛ kpole hanle ezuavolɛ ne na bɛdeɛdeanle nuhua.