2 Sam 18:20 - BAEBOLO ANZƐƐ BULUKU NWUANZANWUANZA

²⁰ Dwowabe buale ye kɛ, “Kyɛkyɛ, ɛnva nrɛlaleɛ biala ɛngɔ ɛnɛ. Maa ɔyɛ na kenle fofolɛ, ɔboalekɛ ɛnɛ kenle ye, belemgbunli ara nrenya ɛwu.”

2 Sam 18:20 ပူးပေါင်းရင်းမြစ်များ

2 Sam 18:19

Akee Zeedɔko ara Ahaemaze zele kɛ, “Bɛmaa menriandi waa mengɔmbɔ belemgbunli amaneɛ kɛ Ɛdɛnkɛma ɛye ye ɛvi ye kpɔvolɛma asa anu.”

2 Sam 18:21

Akee Dwowabe zele Sudanenli akɛlɛ ne kɛ, “Kɔ na kɔha mɔɔ wɔnwu ye la kile belemgbunli.” Sudanenli akɛlɛ ne bɔle ɔ ti aze na ɔdɔle adenle zo.

2 Sam 18:27

Sinzavolɛ ne zele kɛ, “Ahenle mɔɔ lumua la zɔho Zeedɔko ara Ahaemaze.” Na belemgbunli ne zele kɛ, “Ɔle sonlakpalɛ, yemɔti ɔ nee nrɛlaleɛ kpalɛ lua.”

2 Sam 18:29

Belemgbunli ne bizale ye kɛ, “Kakula Abesalɛm anwo kɔlɔnwo ɔ?” Ahaemaze buale ye kɛ, “Mɔɔ Dwowabe zoanle me la, menwunle kɛ ɛnee ɛkɛ ne ɛyɛ begyebegye zɛhae, noko meangola meannwu deɛ holɛ ko ne.”

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

2 Sam 18:5

Na ɔzele Dwowabe, Abehyae nee Yetae kɛ, “Bɛnlea me ti na bɛ nee kakula Abesalɛm ɛli ye bɛtɛɛ.” Na mɔɔ belemgbunli ne hanle wɔ Abesalɛm anwo hilele safohyenlema ne la, menli ne kɔsɔɔti dele.

2 Sam 19:1

Bɛhanle bɛhilele Dwowabe kɛ, “Devidi ɛlɛdi nyane na ɔlɛsu ɔ ra Abesalɛm.”