2 Sam 18:19 - BAEBOLO ANZƐƐ BULUKU NWUANZANWUANZA

¹⁹ Akee Zeedɔko ara Ahaemaze zele kɛ, “Bɛmaa menriandi waa mengɔmbɔ belemgbunli amaneɛ kɛ Ɛdɛnkɛma ɛye ye ɛvi ye kpɔvolɛma asa anu.”

2 Sam 18:19 ပူးပေါင်းရင်းမြစ်များ

2 Sam 15:27

Belemgbunli ne eza zele sɛlɛvolɛ Zeedɔko kɛ, “Fa ɛ ra nrenya Ahaemaze nee Abayata ara nrenya Dwɔnatan sia kɔ suakpole ne azo anzonudwolɛ nu.

2 Sam 15:36

Bɛ mra mrenya nwiɔ ne, Zeedɔko ara Ahaemaze nee Abayata ara Dwɔnatan wɔ lɔ. Edwɛkɛ biala mɔɔ kɛzi la, bɛzoa bɛ bɛmaa bɛraha bɛhile me.”

2 Sam 17:17

Ɛnee Dwɔnatan nee Ahaemaze ɛlɛkendɛ nzubula Ɛnlɔgɛle ne anloa wɔ Gyɛlusalɛm kandiba. Sonvolɛ raalɛ bie a kɔka edwɛkɛ mɔɔ ɛlɛsi la kile bɛ a na bɛdabɛ bɛahɔha bɛahile Belemgbunli Devidi, ɔluakɛ ɔnle kɛ bɛnwu bɛ kɛ bɛhɔ suakpole ne azo.

2 Sam 18:20

Dwowabe buale ye kɛ, “Kyɛkyɛ, ɛnva nrɛlaleɛ biala ɛngɔ ɛnɛ. Maa ɔyɛ na kenle fofolɛ, ɔboalekɛ ɛnɛ kenle ye, belemgbunli ara nrenya ɛwu.”

2 Sam 18:23

Ahaemaze zile zolɛ kɛ, “Kɛ ɔkɛyɛ biala la, ɔwɔ kɛ mekɔ.” Dwowabe zele ye kɛ, “Ɛnee kɔ ɛ!” Na Ahaemaze hanle guale ye, ɔvale Dwɔdan Bɔnza ɔhɔzenle Sudanenli ne anwo.

2 Sam 18:31

Akee Sudanenli akɛlɛ ne ɔdaye ɔrale na ɔrahanle kɛ, “Melɛ amaneɛ fɛlɛko melɛbɛlɛ me awulae belemgbunli. Ɔluakɛ Ɛdɛnkɛma ɛlie wɔ ɛvi kpɔvolɛma mɔɔ honle tiale wɔ la asa anu ɛnɛ.”

Edwɛndolɛ Buluku ne 10:14

Ɛdawɔ ɛnwu ye; ɛhɛe, ɛnwu amaneɛ nee nyane ne, ɛkola ɛsɔ ye ɛ sa mu nwiɔ; mɔɔ ɛnlɛ boavolɛ la fa ɔ nwo maa wɔ; wɔyɛ bɛdabɛ mɔɔ bɛnlɛ bɛ ze mɔ la boavolɛ.

Edwɛndolɛ Buluku ne 10:18

Di pɛlepɛle maa mɔɔ ɛnlɛ ɔ ze, nee mɔɔ bɛlɛsisi ye la, amaa sonla mɔɔ le ndɛtɛlɛ la anga ɛzulolɛ bieko.

Edwɛndolɛ Buluku ne 7:6

O Ɛdɛnkɛma, fa ɛya dwazo, dwazo tia me kpɔvolɛma ɛya kpole ne; O me Nyamenle, dwazo na wɔbua ndɛne ne wɔwie.

Edwɛndolɛ Buluku ne 9:16

Ɛdɛnkɛma ɛhile kɛ ɔsi ɔde la, yebua ndɛne ne; amumuyɛma ɛdo bɛdabɛ mumua ne bɛ ɛhane.

Edwɛndolɛ Buluku ne 9:4

Ɔluakɛ wɔbua me benle; wɔbua wɔ ndɛne ne pɛlepɛle nu.

Gyɛlɛmaya Buluku ne 51:31

Menli nriandi di akɔneaba kɛ bɛkabɔ Babelonia belemgbunli ne amaneɛ kɛ bɛva ye suakpole ne bɔkɔɔ.

Wulo 12:19

Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”