2 Sam 18:17 - BAEBOLO ANZƐƐ BULUKU NWUANZANWUANZA

¹⁷ Bɛyele Abesalɛm funli ne na bɛvuandinle ye bɛdole kuma kpole bie anu wɔ kpɔkɛ ne anu. Bɛhuohuanle awolɛ edukue kpole bie ɔ nwo zo. Na Yizilayɛma kɔsɔɔti guale ɛbɔ nu. Ko biala hɔle ɔdaye ye sua zo.

2 Sam 18:17 ပူးပေါင်းရင်းမြစ်များ

2 Sam 19:5

Dwowabe rale belemgbunli sua nu ɛkɛ ne na ɔzele ye kɛ, “Ɛnɛ wɔmaa nyiane ɛhu wɔ mgbanyima kɔsɔɔti mɔɔ ɛlie wɔ ngoane, na bɛlie ɛ mra mrenya nee mraalɛ, wɔ mraalɛ nee wɔ mgbɔnla ngoane la.

2 Sam 19:8

Belemgbunli ne dwazole na ɔhɔdendɛle suakpole ne anlenkɛ kpole ne anloa. Bɛhɔhanle bɛhilele menli ne mɔ kɛ, “Belemgbunli ne de anlenkɛ kpole ne anloa.” Na menli ne mɔ kɔsɔɔti hɔbɔle yiale ye. Yizilayɛma kɔsɔɔti ɛnriandi. Ko biala ɛhɔ ɔdaye ye sua zo.

2 Sam 19:9

Butule dɔle Yizilayɛ mbusua ekpunli ekpunli ne mɔ avinli. Bɛzele kɛ, “Belemgbunli ne liele yɛ vile yɛ kpɔvolɛma asa anu, ɔliele yɛ ɔvile Filisitiama asa anu; na kɛkala, yenriandi Abesalɛm na yegyakyi maanle ne yedo ye ɛkɛ.

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

2 Sam 20:22

Raalɛ ne vale ye adwenle ne manle ezuavolɛ ne, na bɛpɛle Hyiba ati bɛvuandinle bɛmanle Dwowabe wɔ bane ne anzi lɔ. Na Dwowabe wule aweɛne tendenle ne anu manle menli ne vile suakpole ne azo hɔle bɛ azua nu. Na Dwowabe ziale hɔle belemgbunli ne anwo lɔ wɔ Gyɛlusalɛm.

2 Arl 14:12

Gyɛhowahye lile Dwudama anwo zo konim na Amazaya ɛlɔnema ne guale ɛbɔ nu; biala nriandile hɔle ye sua zo.

2 Arl 8:21

Yemɔti Gyɛhɔlam vale ye ɛlɔnema mɔɔ fa ehwili ko la hɔle Zeeyɛ na nɔe ne bɛdwazole bɛhanle Yidɔmma mɔɔ ɛnee ɛbɔ ɛyia bɛ la senle manle bɛnriandile bɛhɔle bɛ azua nu.

Mrɛlɛbulɛ Buluku ne 10:7

Tenlenema ɛhakyelɛ le nyilalɛ, na amumuyɛnli duma baminli.

Mɛla 21:20

na bɛze mgbanyima ne mɔ kɛ, ‘Yɛ ra ɛhye anzo yɛ se, ɔte atua. Ɔndie yɛ ne, ɔle aleɛkpole yɛɛ eza ɔle nzanli.’

Mɛla 21:21

Saa ɔba ye zɛhae a, bɛdabɛ mɔɔ bɛwɔ suakpole ne azo la ɛrazi ye awolɛ ɛhu ye, amaa bɛakpa munzule bɛavi sua ne azo. Yizilayɛma kɔsɔɔti bade na bɛazulo.

Dwɔhyua Buluku ne 10:27

Mɔɔ sɛnzɛne ne ɛlɛkɔ ahɔdɔ la, Dwɔhyua manle bɛyeyele avunli ne mɔ na bɛvuandinle bɛ bɛguale bɔne ne mɔɔ ɛnee bɛvea nu la anu. Bɛhundole awolɛ mgbole bɛduale bɔne ne, na ɛnɛ nee ɛnɛ ala ɔtɛbɔ ɛkɛ.

Dwɔhyua Buluku ne 7:26

Bɛhuohuanle awolɛ edukue kpole kpalɛ ɔ nwo zo; ɔtɛbɔ ɛkɛ ne ɛnɛ nee ɛnɛ ala. Yemɔti bɛfɛlɛ ɛkɛ ne Ngyegyelɛ Bɔnza. Na Ɛdɛnkɛma akunlu dwole fɔɔnwo.

Dwɔhyua Buluku ne 8:29

Ɔhendanle Eyae belemgbunli ne wɔ baka kpole bie azo na ɔgyakyile ye ɛkɛ ne toonwo nɔsolɛ. Sɛnzɛne ne kadɔ la Dwɔhyua manle bɛhɔyele funli ne, na bɛvuandinle ye bɛdole Eyae suakpole ne anuhɔlɛ kpole ne anyunlu. Bɛhuanle awolɛ edukue kpole kpalɛ ko bɛhedale funli ne azo, na ɛnɛ nee ɛnɛ ala ɔtɛbɔ ɛkɛ ne.

1 Sam 4:10

Na Filisitiama honle ɛsesebɛ lile Yizilayɛma anwo zo konim bɛmanle bɛguale ndwɛlɛ aze. Bɛbiale Yizilayɛma mogya takaa; bɛhunle Yizilayɛ ɛlɔnema ne anu apenle ngoko abulasa.