2 Sam 18:14 - BAEBOLO ANZƐƐ BULUKU NWUANZANWUANZA

¹⁴ Dwowabe zele kɛ, “Menlɛ ɛ nwo alagye.” Ɔvale atwɛ nsa ɔhɔwowɔle Abesalɛm akɛnra azo wɔ mekɛ mɔɔ ɛnee ɔ nye gyi zo na ɔtɛsinze oku baka ne azo la.

2 Sam 18:14 ပူးပေါင်းရင်းမြစ်များ

2 Sam 12:10

Kɛmɔ wɔkpo me na wɔva Yulaya aye ne la, dadeɛ nloa ewule ɛnrɛvi wɔ abusua ne anu ɛlɛ.

2 Sam 14:30

Yemɔti Abesalɛm zele ye sonvolɛma ne kɛ, “Bɛhɔ ɛbɔ ne anu; bɛbanwu kɛ Dwowabe ma ɛya avule ne zua me ɛdeɛ ne. Bɛhɔdo senle nu bɛyela ye.” Na Abesalɛm sonvolɛma ne hɔdole senle ɛya ne anu yelale ye.

2 Sam 18:15

Na mgbavolɛ bulu mɔɔ soa Dwowabe konle ninyɛne ne mɔ la bɔle yiale Abesalɛm na bɛbobɔle ye bɛhunle ye.

2 Sam 18:5

Na ɔzele Dwowabe, Abehyae nee Yetae kɛ, “Bɛnlea me ti na bɛ nee kakula Abesalɛm ɛli ye bɛtɛɛ.” Na mɔɔ belemgbunli ne hanle wɔ Abesalɛm anwo hilele safohyenlema ne la, menli ne kɔsɔɔti dele.

2 Sam 19:1

Bɛhanle bɛhilele Dwowabe kɛ, “Devidi ɛlɛdi nyane na ɔlɛsu ɔ ra Abesalɛm.”

2 Sam 19:11

Na belemgbunli vale nrɛlaleɛ ɛhye hɔmanle sɛlɛvolɛma, Zeedɔko nee Abayata kɛ bɛha bɛhile Dwuda mgbanyima kɛ, “Duzu ati a bɛanlumua bɛanga ye kɛ bɛmaa yɛhɔva belemgbunli yɛrɛla sua nu ɛ? Ɔluakɛ mɔɔ Yizilayɛma kɔsɔɔti ɛha wɔ me ɛralɛ nwo la, mede ɔ muala.

Dwobu Buluku ne 20:5

amumuyɛnli ɛkpazilɛ ɛndwu moa, yɛɛ sonla mɔɔ ɛnze Nyamenle la fɛlɛkolilɛ le sinli?

Edwɛndolɛ Buluku ne 37:35

Menwu nrenya amumuyɛnli atisesebɛ bie, ye anwonyia hɔle anwuma kɛ Lɛbanɔn sida baka.

Edwɛndolɛ Buluku ne 45:5

Wɔ ɛda mbaka ti yɛ nla, bɛwɔ bɛwolo belemgbunli ne kpɔvolɛma ahonle nu; maanle maanle tu gua ɛ nyunlu.

Edwɛkpa ne kɛmɔ Mateyu hɛlɛle la 12:40

Kɛmɔ Dwona lile ewiazo nee nɔɔzo kenle nsa wɔ nyevizonle ne akunlu la, zɔhane ala yɛɛ medame, Sonla Ra, mebali ewiazo nee nɔɔzo kenle nsa wɔ azɛlɛ ti anu a.

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

Maanlebuvolɛma Buluku ne 4:21

Ɛvɛlɛ ngome manle Sesɛla lafele botoo zɛhae. Na Hibɛ aye Gyeeyɛle vale ndanlɛ sua mbaka adakola ne mɔ ko nee hamenle, ɔyɛle nyaa ɔvale Sesɛla ati ɔdole aze bɛtɛɛ, na ɔbɔle ye takola nu kyengye ɔbetanle azɛlɛ ne anwo. Na Sesɛla wule.

Maanlebuvolɛma Buluku ne 5:26

Ɔdole ɔ sa ɔvale ndanlɛ sua takola, ɔvale hamenle ɔ sa fema nu; ɔbɔle takola ne ɔmianle Sesɛla ati, ɔgelegelele ɔ ti, ɔbɛtɛle ɔ nwoma.

Maanlebuvolɛma Buluku ne 5:31

O Ɛdɛnkɛma, maa menli mɔɔ kpɔ wɔ la abo zo ɛbɔ, na maa bɛdabɛ mɔɔ bɛkulo wɔ la ɛda wienyi kɛ mangyee sɛnzɛne. Na anzonudwolɛ rale maanle ne anu ɛvolɛ abulanla.