2 Sam 17:9 - BAEBOLO ANZƐƐ BULUKU NWUANZANWUANZA

⁹ Kɛkala bɔbɔ, kabezɛ ɔvea bolɛ bɔne bie anu anzɛɛ ɛleka gyɛne bie. Na saa menli mɔɔ dumua ahɔteta Devidi la di akɔhoatɔ a, menli mɔɔ bade la baze kɛ, ‘Bɛbɔ Abesalɛm ɛdoavolɛma abo zo bɔkɔɔ.’

2 Sam 17:9 ပူးပေါင်းရင်းမြစ်များ

2 Sam 17:10

Saa ɔba ye zɛhae a menli bɔbɔ mɔɔ lɛ ahonle kɛ awenade la bazulo. Ɔluakɛ Yizilayɛma kɔsɔɔti ze kɛ ɛ ze le nrenya katakyie, yɛɛ zɔhane ala a ye ɛlɔnema mɔɔ ɔ nee bɛ lua la de a.

2 Sam 17:8

Ɛdawɔ ɛze ye wienyi kɛ ɛ ze nee ye ɛlɔnema ne le menli mɔɔ ze konle nye zo kpole kpalɛ a. Kɛkala, bɛ ahonle ɛfutu kɛ ezile mɔɔ bɛhye ɔ mra la. Fa ɛhye sie ahane. Ɛ ze le ɛlɔnenli mɔɔ bɛto ye sɛbe a, yɛɛ nɔɔzo ɔ nee ye ɛlɔnema ne ɛnrɛla ɛleka ko.

Gyɛlɛmaya Buluku ne 41:9

Yehyemeeyɛle zoale menli mɔɔ ɔhunle bɛ la avunli ne mɔ amuala guale Belemgbunli Esa bula kpole ne mɔɔ ɔbɔle la anu ɔmanle ɔyile. Belemgbunli Esa bɔle bula ɛhye kɛ ɔfa yeabɔ ɔ nwo bane wɔ mekɛ mɔɔ Yizilayɛ Belemgbunli Beeyahya dwazole ɔ nwo zo kɛ ɔ nee ye ko la.

Dwɔhyua Buluku ne 7:5

Eyaema voanle Yizilayɛma vile sua ne anuhɔlɛ kpole ne anloa na bɛvoanle bɛ toonwo bɛhɔdwule Hyɛbalem boka ne azo lɔ, bɛ sa hanle Yizilayɛma anu abulasa nee nsia bɛhunle bɛ wɔ boka ne ndololeɛ nu. Yizilayɛma anwo bubule bɛ na bɛzulole.

Dwɔhyua Buluku ne 8:6

Bɛbadoa yɛ na bɛ muala bɛbavi sua ne azo. Bɛbaha kɛ yɛle avoanvoanle na yɛlɛnriandi, kɛmɔ alumua ne yɛyɛle la;

1 Sam 22:1

Devidi vile suakpole Gate azo nriandile hɔveale bolɛ bɔne bie anu wɔ Adulam. Mɔɔ ɔ mediema nee ye mbusuafoɔ ne mɔ dele kɛ ɔwɔ ɛkɛ ne la bɛdoale ye.

1 Sam 23:22

Bɛhɔ, bɛhɔnlea ye boɛ; bɛnlea ɛleka fɔɔnwo mɔɔ ɔvea la, ɔluakɛ mede kɛ ɔ nwo yɛ ɛvɛlɛ.

1 Sam 24:3

Ɔdwule mboane tunli bie anwo wɔ adehane ne la, ɔnwunle bolɛ bɔne bie wɔ ɛkɛ, na Sɔɔlo makyile ɛkɛ ne kɛ ɔkayɛ ɔ nwo boɛ. Ɔrale kɛ, bɔne zɔhane anu ala, na ɔkunlu nehane yɛɛ Devidi nee ye ɛlɔnema ne vea a.