2 Sam 17:8 - BAEBOLO ANZƐƐ BULUKU NWUANZANWUANZA

⁸ Ɛdawɔ ɛze ye wienyi kɛ ɛ ze nee ye ɛlɔnema ne le menli mɔɔ ze konle nye zo kpole kpalɛ a. Kɛkala, bɛ ahonle ɛfutu kɛ ezile mɔɔ bɛhye ɔ mra la. Fa ɛhye sie ahane. Ɛ ze le ɛlɔnenli mɔɔ bɛto ye sɛbe a, yɛɛ nɔɔzo ɔ nee ye ɛlɔnema ne ɛnrɛla ɛleka ko.

2 Sam 17:8 ပူးပေါင်းရင်းမြစ်များ

2 Sam 15:18

Ye mgbanyima ne mɔ razenle, na bɛgyinlanle ye foa ko. Ye sinzavolɛma ne mɔ zenle lumuale ɔ nyunlu. Ɛlɔnema ɛya nsia ne mɔɔ ɔ nee bɛ vi Gate la noko zenle lumuale ɔ nyunlu.

2 Sam 17:9

Kɛkala bɔbɔ, kabezɛ ɔvea bolɛ bɔne bie anu anzɛɛ ɛleka gyɛne bie. Na saa menli mɔɔ dumua ahɔteta Devidi la di akɔhoatɔ a, menli mɔɔ bade la baze kɛ, ‘Bɛbɔ Abesalɛm ɛdoavolɛma abo zo bɔkɔɔ.’

2 Sam 23:16

Na katakyiema nsa ne bɔle vale Filisitiama azokoɛleɛ ne hɔle Bɛtelɛhɛm hɔzale nzule wɔ bula ne mɔɔ wɔ anlenkɛ kpole ne anloa la bie rɛlɛle Devidi. Bɛ nee ye rale la yeanno. Ɔguale ye aze ɔmanle Ɛdɛnkɛma;

2 Sam 23:18

Dwowabe adiema Abehyae (mɔɔ bɛ nli a le Zɛluaya la) a le katakyiema “Abulasa Ne” kpanyinli a. Ɔvale ye atwɛ ne ɔ nee menli ɛya nsa honle ɔhunle bɛ kɔsɔɔti na ɔnyianle duma kpole wɔ bɛdabɛ “Abulasa Ne” anu.

2 Arl 2:24

Yilaehya hakyile ɔ nwo nleanle bɛ na ɔvale Ɛdɛnkɛma ɔwale bɛ amonle; na ɛkɛ ne ala bɛdi mbelɛ nwiɔ vi kpɔkɛ ne anu vindele ratetele bɛ nuhua abulanla nee nwiɔ anu.

Mrɛlɛbulɛ Buluku ne 17:12

Ɔle kpalɛ kɛ sonla nee bedi belɛ mɔɔ bɛwua ɔ mra la kɛyia tɛla kɛ ɔkɛyia koasea mɔɔ ɛlɛyɛ ngoaseade la.

Mrɛlɛbulɛ Buluku ne 28:15

Maanlebuvolɛ mɔɔ le amumuyɛ na ɔsie ehyianvolɛma la le kɛ awenade mɔɔ ɛlɛkpo anzɛɛ bedi mɔɔ ɛnwu nane na ɔlɛkye ye la.

Yizikeɛle Buluku ne 19:2

Bɛ nli le awenade belɛ wɔ awenade avinli! Ɔlile ɔ mra adane wɔ awenade nyinli anwo ɛzulolɛ avinli.

Daneɛle Buluku ne 7:5

“Nane ne mɔɔ tɔ zolɛ nwiɔ la zɔho ezizile. Bɛzɔle ye bɛdwazole ye. Ɛnee ɔlɛ sonla nvenle mbowule nsa ɔ gye nu, na bɛzele ye kɛ, ‘Dwazo, kɔ zolɛ di nane dɔɔnwo.’

Hozia Buluku ne 13:8

Mebateta bɛ kɛ bedi mɔɔ bɛhye ɔ mra, na meatete bɛ nu, na ɛkɛ ne, mebali bɛ kɛ awenade di nane, na meatete bɛ nzokanzoka kɛ nanemgbole tete nane la.

Maanlebuvolɛma Buluku ne 18:25

Na Danema ne zele ye kɛ, “Mua ɛ nloa! Mmayɛ ɛmaa ahonle futu, na anrɛɛ ɛdawɔ nee wɔ awuke nu amra amuala kɛdɔ.”

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 17:50

Yemɔti, Devidi vale totoabɔ mgbane hunle Golayate na ɔlile ɔ nwo zo konim. Devidi anva dadeɛ, ɔvale ɔ sa mgbane.

1 Sam 23:23

Bɛhɔ na bɛhɔnleɛnlea ɛleka mɔɔ ɔyɛ a ɔfeɛvea la kpalɛ, na bɛrabɔ me amaneɛ, na me nee bɛ ahɔ. Na saa amgba ɔwɔ Dwuda maanle ne anu ɛdeɛ a, yemɔ ɛleka biala mɔɔ ɔwɔ la, me sa baha ye meahye ye.”