2 Sam 17:3 - BAEBOLO ANZƐƐ BULUKU NWUANZANWUANZA

³ Mebahu belemgbunli ne angomekye na meava menli mɔɔ li ɔ nzi la kɔsɔɔti mearɛlɛ wɔ kɛ atɔfolɛ raalɛ mɔɔ ɛlɛba ɔ hu sua nu la. Sonla kokye ala a ɛkpondɛ kɛ ɔwu a, na menli mɔɔ ɛha la amuala ɔwɔ kɛ sia ba sua nu anzonudwolɛ nu.”

2 Sam 17:3 ပူးပေါင်းရင်းမြစ်များ

2 Sam 17:4

Folɛdulɛ ɛhye yɛle Abesalɛm nee Yizilayɛ mgbanyima ne mɔ fɛ kpole.

2 Sam 3:21

Abenɛɛ zele Devidi kɛ, “Nana, mekɔ meahɔboɔboa Yizilayɛma kɔsɔɔti anloa meamaa wɔ. Bɛ muala bɛ nee wɔ bayɛ ngyehyɛlɛ na bɛalie bɛado nu kɛ ɛle bɛ belemgbunli na wɔazie maanle ne kɔsɔɔti kɛmɔ ɛkpondɛ la.” Yemɔti Devidi manle Abenɛɛ adenle manle ɔhɔle anzonudwolɛ nu.

Ayezaya Buluku ne 48:22

Ɛdɛnkɛma se, “Amumuyɛma ɛnrɛnyia anzonudwolɛ.”

Ayezaya Buluku ne 57:21

Amumuyɛma anzo nu ɛnrɛdwo bɛ ɛlɛ,” kɛ me Nyamenle ne se la ɛne.

Gyɛlɛmaya Buluku ne 6:14

Bɛlɛmia me menli ne nganlɛ ne mɔ a bɛdoɔloa bɛ ala. Bɛse, ‘Yehɔ, yehɔ,’ wɔ mekɛ mɔɔ nganlɛ ne mɔ ɛtɛkɔle la.

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.