2 Sam 17:23 - BAEBOLO ANZƐƐ BULUKU NWUANZANWUANZA

²³ Mɔɔ Ahetɔfɛle nwunle kɛ bɛanva ye folɛdulɛ ne la, ɔvole ye asoaso ne azo na ɔhɔle ɔdaye ye sua zo. Ɔtotole ninyɛne boɛ na ɔbɔle ɔ nwo akɔnvo. Bɛziele ye wɔ ɔ ze nla ne anu.

2 Sam 17:23 ပူးပေါင်းရင်းမြစ်များ

2 Sam 15:12

Na mɔɔ Abesalɛm bɔ azu ne la, ɔzoanle ɔmanle bɛhɔvɛlɛle Ahetɔfɛle mɔɔ vi Gaelo la. Nrenya ɛhye le Belemgbunli Devidi folɛdulɛma ne mɔ ko. Mɔɔ ɔrale la, ɔmanle Abesalɛm maamɔvo adwenle ne anu mianle yɛɛ eza ɔnyianle boavolɛma dɔɔnwo.

2 Sam 15:31

Bɛhanle bɛhilele Devidi kɛ, “Ahetɔfɛle boka maamɔvoma mɔɔ nee Abesalɛm lua la anwo.” Na Devidi zele kɛ, “O Ɛdɛnkɛma, mesɛlɛ wɔ, maa Ahetɔfɛle folɛdulɛ biala ɛyɛ mgbane.”

2 Sam 16:23

Mekɛ ne anu, folɛ biala mɔɔ Ahetɔfɛle kɛdu la le kɛ asɛɛ Nyamenle a ɛha a. Yemɔti Devidi nee Abesalɛm lile Ahetɔfɛle folɛdulɛ biala azo.

2 Sam 17:22

Na Devidi nee ye ɛlɔnema ne kɔsɔɔti hɔpɛle Dwɔdan ne. Mɔɔ maanle nu katete la ɛnee bɛ muala bɛwie Dwɔdan ne pɛ.

1 Arl 16:18

Zemelae nwunle kɛ ɛlɔne ɛva bɛ aze la, ɔhɔveale belemgbunli sua ne anu akunlu nehane na ɔdole senle sua ne anu ɔyelale ye ɔguale ɔ ti zo ɔhunle ɔ nwo.

2 Arl 20:1

Mekɛ ne anu anwonyane bɔle Belemgbunli Hɛzikaya manle ɔhale ye nee ewule. Na Nyamenle kpɔmanvolɛ Ayezaya, Emɔzo ara ne, rakpɔlale ye na ɔzele ye kɛ, “Ɛdɛnkɛma se ɛtoto wɔ sua nu ɛke boɛ na ɛnrɛde kpɔkɛ, ɛbawu.”

Dwobu Buluku ne 31:3

Asoo munzule ɛndo menli mɔɔ ɛnle tenlene la, yɛɛ nyane ɛndo amumuyɛma?

Edwɛndolɛ Buluku ne 109:20

Ɛdɛnkɛma, maa ɛhye ɛyɛ me kpɔvolɛma ahatualɛ, ɔyɛ bɛdabɛ mɔɔ bɛtendɛ ɛtane bɛtia me la ahatualɛ.

Edwɛndolɛ Buluku ne 5:10

O Nyamenle, fa bɛ ɛtane soa bɛ; maa bɛ adwenle ɛtanevalɛ ɛbɔ bɛ ti. Bɛ mɛladonlɛ dɔɔnwo ne ati, ye bɛ fi ɛ nye zo, ɔluakɛ bɛde ɛ nwo atua.

Edwɛndolɛ Buluku ne 55:23

Na wɔmɔ, O Nyamenle, ɛbavuandi bɛ wɔagua kuma kpole ne anu; ahɔdiawu nee ngunzima ɛnrɛli bɛ mekɛ ne foa ko bɔbɔ. Na mame, mebava me rɛle meawula wɔ nu.

Mrɛlɛbulɛ Buluku ne 16:18

Adubɛnwo sɛkye sonla, yɛɛ bɛ nwo zo ɛmemanlɛ maa sonla tu koti.

Mrɛlɛbulɛ Buluku ne 19:3

Sonla bɔ ɛbɛla mgbane na ɔte ɔfa ɔ nwo zo a, ɔfa Ɛdɛnkɛma anwo ɛya.

Ayezaya Buluku ne 38:1

Mekɛ ne anu anwonyane bɔle Belemgbunli Hɛzikaya manle ɔhale ye nee ewule. Na Nyamenle kpɔmanvolɛ Ayezaya, Emɔzo ara ne rakpɔlale ye na ɔzele ye kɛ, “Ɛdɛnkɛma se ɛtoto wɔ sua nu ɛke boɛ na ɛnrɛde kpɔkɛ, ɛbawu.”

Edwɛkpa ne kɛmɔ Mateyu hɛlɛle la 27:5

Dwudase vuandinle ezukoa ne guale Ɛzonlenlɛ Sua ne anu na ɔhɔle ɔhɔzɔle ɔ kɔme nyɛma.