2 Sam 17:20 - BAEBOLO ANZƐƐ BULUKU NWUANZANWUANZA

²⁰ Abesalɛm sonvolɛma ne rale raalɛ ne sua nu la, bɛbizale ye kɛ, “Ahaemaze nee Dwɔnatan wɔ nienwu?” Raalɛ ne buale bɛ kɛ, “Bɛpɛle azule ne bɛhɔle ɔ nzi lɔ.” Mɔɔ bɛkpondɛle bɛ toonwo na bɛannwu bɛ la bɛziale bɛhɔle Gyɛlusalɛm.

2 Sam 17:20 ပူးပေါင်းရင်းမြစ်များ

2 Sam 15:34

Sia kɔ suakpole ne azo na kɔze Abesalɛm kɛ, ‘O belemgbunli, mele wɔ sonvolɛ; mekɛ bie mɔɔ ɛze ɛhɔ la, menzonlenle ɛ ze, zɔhane ala yɛɛ mera mebazonle wɔ a.’ Ye zɛhae, yemɔ ɛbahola wɔazɛkye Ahetɔfɛle maamɔvo adwenle biala mɔɔ ɔkɛbɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:19

Awolɛdievolɛma ne mɔ hanle hilele belemgbunli ne kɛ, “Ɔboalekɛ Hibulu mraalɛ ɛnle kɛ Yigyibiti mraalɛ la; bɛkola bɛ nwo sɔ; toonwo mɔ awolɛdievolɛma ne kadwu ɛkɛ la ɛnee bɛwo dɛbadɛba.”

Sɛlɛ 19:11

“Bɛmmawua, bɛmmadi ndunlumi, yɛɛ bɛmmabɔ adalɛ bɛkile bɛ nwo ngoko.

Maanlebuvolɛma Buluku ne 4:20

Sesɛla zele Gyeeyɛle kɛ, “Gyinla ndanlɛ sua ne anlenkɛ ne anloa. Saa awie biala babiza kɛ, ‘Awie wɔ ɛke ɔ?’ a, se ye kɛ, ‘Kyɛkyɛ.’ ”

1 Sam 21:2

Devidi buale ye kɛ, “Belemgbunli ɛzoa me, na ɔse, ‘Ɛzoanlɛ mɔɔ mezoa wɔ la, mmamaa awie biala te nwolɛ bie fee.’ Na me mgbavolɛ ne mɔ, mehile bɛ ɛleka mɔɔ bɛyia me la.