2 Sam 17:16 - BAEBOLO ANZƐƐ BULUKU NWUANZANWUANZA

¹⁶ Yemɔti bɛha bɛ nwo, bɛzoa menli ndɛndɛ bɛmaa bɛhɔha bɛhile Devidi kɛ, ɛnɛ nɔe, ɔmmada azule ne anloa ɛleka mɔɔ bɛpɛ la wɔ fienemgbole ne anu. Na ɔbɔ mɔdenle ɔpɛ Dwɔdan ne ɔhɔ ɔ nzi moa, amaa bɛ sa anga belemgbunli ne nee ye ɛlɔnema ne na bɛahu bɛ.”

2 Sam 17:16 ပူးပေါင်းရင်းမြစ်များ

2 Sam 15:14

Mɔɔ Devidi dele la ɔzele ye mgbanyima kɔsɔɔti mɔɔ nee ye wɔ Gyɛlusalɛm ɛkɛ ne la kɛ, “Bɛha bɛ nwo bɛmaa yɛye yɛ nwo zo na anrɛɛ Abesalɛm kɛbɔ yɛ bo zo bɔkɔɔ. Bɛha bɛ nwo na anrɛɛ ɔkɛbu yɛ nyunlu ɔkɛmaa munzule kɛdo yɛ na ɔkɛbɔ suakpole ye tɔɔ!”

2 Sam 15:28

Mebahendɛ azule ne anloa, ɛleka mɔɔ bɛpɛ la wɔ fienemgbole ye anu kɔkpula mekɛ mɔɔ menwɔde ɛ nloa anu nrɛlaleɛ la.”

2 Sam 15:35

Zeedɔko nee Abayata a le sɛlɛvolɛma mɔɔ bɛ nee bɛ wɔ lɔ a. Edwɛkɛ biala mɔɔ bɛkɛha wɔ belemgbunli suakunlu ɛkɛ ne la baha kile bɛ.

Edwɛndolɛ Buluku ne 35:25

Mmamaa bɛka bɛkile bɛ nwo kɛ, “Ɛhɛe, akee yɛ kunlu ɛdwo!” Mmamaa bɛka kɛ, “Yɛ sa ɛha ye.”

Edwɛndolɛ Buluku ne 55:8

Anrɛɛ menwɔhɔkpondɛ kpɔda bie abo menwɔdɛnla, menwɔye me nwo menwɔvi anwoma nee ahumu ne anu ndɛndɛ.”

Edwɛndolɛ Buluku ne 56:2

me kpɔvolɛma tietia me nwo zo alehyenlɛ biala, ɔluakɛ bɛdabɛ mɔɔ bɛko bɛtia me adubɛnwo nu la zonle.

Edwɛndolɛ Buluku ne 57:3

Ɔbazoa yeamaa bɛvi anwuma bɛaralie me, ɔbamaa nyiane ahu menli mɔɔ sisi me la. Nyamenle bamaa ye ɛhulolɛ kpundii ne nee ye nɔhalɛlilɛ ne ara me nwo zo.

1 Kɔl 15:54

Yemɔti saa nwonane mɔɔ kpɔlɔ la kakyi yɛ mɔɔ ɛmkpɔlɔ ɛlɛ la, na nwonane mɔɔ wu la kakyi yɛ mɔɔ ɛnwu ɛlɛ la a, ɛnee Nyamenle Edwɛkɛ ne bayɛ nɔhalɛ kɛ, “Bɛzɛkye ewule! Bɛli ɔ nwo zo konim bɔkɔɔ!

2 Kɔl 5:4

Mekɛ mɔɔ yɛde ndanlɛ sua ɛhye anu la, yɛsu yɛ kunlu kpalɛ wɔ anwongyelelɛ nu; tɛ kɛ asɛɛ bɛkpa yɛ azɛlɛ ye azo ndanlɛ sua bɛvi yɛ nwo ɔ, na yemɔ a le kɛ, yɛkpondɛ kɛ bɛfa anwuma ndanlɛ sua ɛdeɛ fofolɛ ne bɛkpolo yɛ, amaa ngoane aheda mɔɔ wu la azo.

1 Sam 20:38

Mmagyinla ɛkɛ ne! Ka ɛ nwo!” Kakula ne sesale ɛda mbaka ne mɔ na ɔziale ɔrale Dwɔnatan anwo ɛkɛ.