2 Sam 17:14 - BAEBOLO ANZƐƐ BULUKU NWUANZANWUANZA

¹⁴ Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

2 Sam 17:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:28

Nrenya ne zele kɛ, “Bɛnrɛvɛlɛ wɔ Gyekɔbo bieko, bɛbavɛlɛ wɔ Yizilayɛ ɔluakɛ ɛ nee Nyamenle nee menli ɛpele, na wɔli konim.”

2 Sam 15:31

Bɛhanle bɛhilele Devidi kɛ, “Ahetɔfɛle boka maamɔvoma mɔɔ nee Abesalɛm lua la anwo.” Na Devidi zele kɛ, “O Ɛdɛnkɛma, mesɛlɛ wɔ, maa Ahetɔfɛle folɛdulɛ biala ɛyɛ mgbane.”

2 Sam 15:34

Sia kɔ suakpole ne azo na kɔze Abesalɛm kɛ, ‘O belemgbunli, mele wɔ sonvolɛ; mekɛ bie mɔɔ ɛze ɛhɔ la, menzonlenle ɛ ze, zɔhane ala yɛɛ mera mebazonle wɔ a.’ Ye zɛhae, yemɔ ɛbahola wɔazɛkye Ahetɔfɛle maamɔvo adwenle biala mɔɔ ɔkɛbɔ la.

2 Sam 16:23

Mekɛ ne anu, folɛ biala mɔɔ Ahetɔfɛle kɛdu la le kɛ asɛɛ Nyamenle a ɛha a. Yemɔti Devidi nee Abesalɛm lile Ahetɔfɛle folɛdulɛ biala azo.

2 Edk 10:15

Yemɔti belemgbunli andie menli ne mɔ edwɛkɛ biala, ɔluakɛ Nyamenle a hyehyɛle manle ɔrale ye zɔhane a, amaa Ɛdɛnkɛma edwɛkɛ ne mɔɔ ɔluale Nyamenle kpɔmanvolɛ Ahaegya mɔɔ vi Hyaelo la anwo zo ɔhanle ɔhilele Nibate ara Gyɛlɔbowam la ayɛ nɔhalɛ.

2 Edk 10:8

Na Rilihɔbowam anva mgbanyima ne mɔ folɛdulɛ ne na ɔ nee mgbavolɛ mɔɔ anrɛɛ ɔ nee bɛ tu na ɛnɛ bɛyɛ ye folɛdulɛma la vale adwenle.

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

2 Edk 25:20

Noko Amazaya andie; ɔluakɛ Nyamenle a ɛhyehyɛ a, amaa yeaye Dwudama yeamaa bɛ kpɔvolɛma ali bɛ nwo zo konim, ɔboalekɛ bɛzonle Yidɔm awozonle ne mɔ.

Nihɛmaya Buluku ne 4:15

Yɛ kpɔvolɛma ne dele kɛ yɛde bɛ adwenle ne mɔɔ bɛvale la anwo bie na Nyamenle ɛmaa bɛ kpɔkɛ mɔɔ bɛbɔle la ɛtulu. Akee yɛ kɔsɔɔti yɛziale yɛhɔzɔle yɛ gyima ne azo.

Dwobu Buluku ne 12:17

Ɔsa folɛdulɛma ɔdie nrɛlɛbɛ, na ɔmaa ndɛnebuavolɛma yɛ ahɔnwɔne.

Edwɛndolɛ Buluku ne 9:15

Menli mɔɔ ɛnze Nyamenle la ɛzua ɛhane ɛhye bɛ nwo; bɛgua kuma mɔɔ bɛdabɛ bɛvu la anu.

Edwɛndolɛ Buluku ne 9:16

Ɛdɛnkɛma ɛhile kɛ ɔsi ɔde la, yebua ndɛne ne; amumuyɛma ɛdo bɛdabɛ mumua ne bɛ ɛhane.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Mrɛlɛbulɛ Buluku ne 19:21

Sonla adwenle ngyehyɛlɛ zonle dɔɔnwo, noko mɔɔ Ɛdɛnkɛma kɛhyehyɛ la a bali munli a.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Gyɛlɛmaya Awolɛyelɛ 3:37

Nwane a ɛha ɛmaa yeyɛ zɔ a? Kyesɛ Awulae ɔdaye yehyehyɛ ye zɔ.

Emɔzo Buluku ne 9:3

Saa bɛnriandi bɛkɔfea Kamɛle Boka ne azo a, mebakpondɛ bɛ meahye bɛ. Saa bɛnriandi bɛkɔfea nyevile ne abo lɔ a, mebamaa ɛwɔlɛ akeka bɛ.

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

1 Kɔl 3:19

Ɔluakɛ ewiade ye anu nrɛlɛbɛ le ɛzɛlɛ debie wɔ Nyamenle anyunlu. Nyamenle Edwɛkɛ ne se, “Nyamenle dua nrɛlɛbɛvolɛma agyibadolɛ zo kye bɛ;”

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

Dwɔhyua Buluku ne 11:20

Ɛdɛnkɛma a yɛle bɛ zɔhane manle bɛ nee Yizilayɛma honle, amaa ɔlua zo bɛabua bɛ fɔlɛ, bɛahu bɛ, bɛabɔ bɛ bo zo bɔkɔɔ mɔɔ anwunvɔnezelɛ biala ɛnle nu a. Kɛ Ɛdɛnkɛma zele Mosisi kɛ ɔyɛ la ɛne.