2 Sam 17:10 - BAEBOLO ANZƐƐ BULUKU NWUANZANWUANZA

¹⁰ Saa ɔba ye zɛhae a menli bɔbɔ mɔɔ lɛ ahonle kɛ awenade la bazulo. Ɔluakɛ Yizilayɛma kɔsɔɔti ze kɛ ɛ ze le nrenya katakyie, yɛɛ zɔhane ala a ye ɛlɔnema mɔɔ ɔ nee bɛ lua la de a.

2 Sam 17:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:9

Me ra Dwuda le kɛ awenade ralɛ, Ɔku ye kpɔvolɛ ne na ɔsia ɔbada. Ɔda na ɔtenrɛ ɔ nwo a, awenade belɛ ɔ, Nwane a kola tunwue ye a?

2 Sam 1:23

“Sɔɔlo nee Dwɔnatan, bɛ ɛhulolɛ yɛ nwanwane; bɛde aze la bɛle ko, bɛ ewule nu, bɛ avinli antete, bɛ nwo ndɛne tɛla kɔleɛ, bɛ anwosesebɛ tɛla awenade.

2 Sam 17:9

Kɛkala bɔbɔ, kabezɛ ɔvea bolɛ bɔne bie anu anzɛɛ ɛleka gyɛne bie. Na saa menli mɔɔ dumua ahɔteta Devidi la di akɔhoatɔ a, menli mɔɔ bade la baze kɛ, ‘Bɛbɔ Abesalɛm ɛdoavolɛma abo zo bɔkɔɔ.’

2 Sam 23:20

Gyɛhɔyada mɔɔ vi Kabezili la ara Bɛnaya ɔdaye ɔle ɛlɔnenli katakyie kpalɛ; ɔyɛle ninyɛne mgbole na eza ɔhunle Mowabe ɛlɔnema nwiɔ mɔɔ ze konle nye zo kpalɛ la. Eza ɔhunle awenade wɔ kuma bie anu wɔ mekɛ mɔɔ ɛnee ezukɔtweaba ɛlɛtɔ la.

Edwɛndolɛ Buluku ne 89:19

Mɔmoane, ɛdendɛle ɛnyelɛzodeɛnwunlɛ nu ɛhilele wɔ nɔhalɛ sonvolɛ ne na ɛhanle kɛ, “Mezoa sonla mɔɔ le katakyie la belemgbunli kyɛlɛ, memaa sonla mɔɔ bɛkpa nu bɛye ye menli ne avinli la ɛyɛ kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:15

Akee Yidɔm arelemgbunli ahonle ɛdu; Mowabe katakyiema anwo ɛlɛwozo bɛ; Keena maanlema amuala ɛnwenwe.

Mrɛlɛbulɛ Buluku ne 28:1

Amumuyɛma nriandi mekɛ mɔɔ awie ɛndoa bɛ la, na tenlenema akɛnra yɛ se kɛ awenade.

Sɔlɔmɔn Edwɛne 3:7

Bɛnlea, Sɔlɔmɔn ɛlɛba, bɛzo ye wɔ belemgbunli bonrane nu; katakyiema abulasia a le ye sinzavoma a, bɛle Yizilayɛ ɛlɔne nu katakyiema ne mɔ bie.

Ayezaya Buluku ne 13:7

Ɛsalɛ biala anu bado, awie biala ahonle badu,

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Yizikeɛle Buluku ne 21:15

amaa bɛ ahonle adu na dɔɔnwo adɔ anlenkɛ kpole ne anloa. Meva dadeɛ ne mɔɔ anwo ɛlɛta la memaa; ɔfede kɛ ezule. Bɛhwi nwolɛ kɛ bɛva bɛhu menli.

Mɛla 1:28

Nienwu ɛleka a yɛhɔ a? Mediema mɔɔ hɔle rale la edwɛkɛ mɔɔ ɛha bɔbɔ la ɛmaa yɛ ahonle ɛdu. Bɛkile kɛ menli ne le mgbole na bɛwowale bɛtɛla yɛ. Bɛ azuamgbole ne mɔ le mgbole yɛɛ bɛhye nwolɛ bɛmaa yehɔ anwuma kpalɛ.’

Kɛlata mɔɔ bɛhɛlɛle bɛhɔmanle Hibuluma la 11:34

bɛnluanle sendɔlɔra, yɛɛ bɛango bɛandɔ. Ɛnee bɛle bɛtɛɛ, noko bɛ nwo yɛle se; bɛ nwo yɛle ɛzulolɛ wɔ konle nu na bɛmanle nyɛvolɛ ɛlɔnema guale ndwɛlɛ aze.

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 18:17

Akee Sɔɔlo zele Devidi kɛ, “Me ra raalɛ kpanyinli Milabe ɛne. Mefa ye meamaa wɔagya; debie mɔɔ hyia wɔ afoa nu la a le kɛ ɛkɛzi ahonle ɛkɛli nɔhalɛ ɛkɛmaa me na ɛkɛho ɛkɛmaa Ɛdɛnkɛma.” (Ɛnee Sɔɔlo adwenle a le kɛ, “Medame mumua ne menrɛhu ye; ɔle kpalɛ kɛ Filisitiama kɛhu ye.”)