2 Sam 16:9 - BAEBOLO ANZƐƐ BULUKU NWUANZANWUANZA

⁹ Zɛluaya ara Abehyae zele belemgbunli ne kɛ, “Duzu ati bɔbɔ yɛɛ twea funli ɛhye kɛbɔ Nana aholoba ɛ? Nana, maa mengɔnli ɔ ti ne antɛnlɛma memaa ye.”

2 Sam 16:9 ပူးပေါင်းရင်းမြစ်များ

2 Sam 19:21

Zɛluaya ara Abehyae zele kɛ, “Ɛhye ɔdaye bɛgyinla nwolɛ ɔ? Ɔwɔ kɛ bɛku Hyemɛyae kɛ ɔbɔle sonla mɔɔ Ɛdɛnkɛma ɛkpokpa ye nwole ɛzie ye belemgbunli la sasa a.”

2 Sam 19:22

Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

2 Sam 3:30

Yemɔti Dwowabe nee ɔ diema Abehyae zenrale Abenɛɛ kɛ ɔhunle bɛ diema Asahɛle wɔ Gebɛyɔn konle ne anu la.

2 Sam 3:8

Edwɛkɛ ɛhye manle Abenɛɛ vale ɛya kpole manle ɔhanle kɛ, “Ɛdwenle kɛ mehakyi me nzi mezi Sɔɔlo ɔ? Anzɛɛ ɛdwenle kɛ melɛsonle Dwuda? Ɔvi mɔlebɛbo ne, meli nɔhalɛ memaa ɛ ze Sɔɔlo, ɔ mediema nee ɔ gɔnwo mɔ; melie wɔ mevi Devidi asa anu, meammaa yeanli ɛ nwo zo konim; ɛnɛ ɛlɛto me ɛzonle wɔagua me nyunlu aze wɔ raalɛ duma nu.

2 Sam 9:8

Mɛfebɔhyɛte bɔle ɔ ti aze bieko na ɔzele kɛ, “Mame bɔbɔ a le nwane? Twea funli bɔbɔ tɛla me ɛkpɔyɛ. Duzu ati bɔbɔ yɛɛ wɔyɛ nyele kpole ɛhye wɔmaa me a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:28

“Bɛmmatendɛ bɛtia Nyamenle anzɛɛ bɛmmawa sonla mɔɔ sie bɛ menli ne la amonle.

Edwɛkpa ne kɛmɔ Luku hɛlɛle la 9:54

Mɔɔ ye ɛdoavolɛma, Gyemise nee Dwɔn, nwunle ɛhye la bɛzele kɛ, “Awulae, ɛkulo kɛ yɛka yɛmaa senle vi anwuma bayela bɛ ɔ?”

Ɛzoanvolɛma Gyima ne 23:5

Pɔɔlo buale bɛ kɛ, “Mediema Yizilayɛma, menze kɛ ɔle Sɛlɛvolɛ Kpanyinli. Nyamenle Edwɛkɛ ne se, ‘Mmaka wɔ kpanyinli mɔɔ nea wɔ menli nwo zo la anwo edwɛkɛ ɛtane.’ ”

1 Pit 2:17

Bɛli menli kɔsɔɔti eni. Bɛhulo bɛ gɔnwo mɔ diedima. Bɛzulo Nyamenle na bɛli Maanle Maanle Belemgbunli ne eni.

1 Sam 24:14

Na nwane a Yizilayɛ belemgbunli ne ɛlɛbɔ mɔdenle kɛ ɔku ye a? Na nwane bɔbɔ yɛɛ ɛlɛfoa ye ndinlizo a? Twea funli ɔ, ɛzozoa ɔ!