2 Sam 16:5 - BAEBOLO ANZƐƐ BULUKU NWUANZANWUANZA

⁵ Mɔɔ Belemgbunli Devidi dwule Bahulem la, Sɔɔlo abo zo amra ne mɔ ko, mɔɔ le Gila ara Hyemɛyae, rayiale ye. Ɔba kɔsɔɔti la ɛnee ɔ ne la zo ɔlɛbɔ Devidi sasa.

2 Sam 16:5 ပူးပေါင်းရင်းမြစ်များ

2 Sam 16:14

Na belemgbunli ne nee menli ne gyi zolɛ toonwo bɛhɔdwule Dwɔdan ne anloa; ɛnee akee bɛvɛ, bɛ nwo ɛyɛ bɛ bɛtɛɛ, yemɔti ɛkɛ ne yɛɛ bɛliele bɛ ɛnwomenle bie a.

2 Sam 16:4

Belemgbunli ne zele Zaeba kɛ, “Nea, debie biala mɔɔ le Mɛfebɔhyɛte ɛdeɛ la le wɔ ɛdeɛ.” Zaeba zele kɛ, “Mele wɔ sonvolɛ; dahuu mebayɛ mɔɔ belemgbunli ne kpondɛ la.”

2 Sam 16:6

Hyemɛyae kpale Devidi nee ye mgbanyima ne mɔ awolɛ wɔ mekɛ mɔɔ ɛnee ye mgbanyima nee ye sinzavolɛma ɛbɔ ɛyia ye la.

2 Sam 17:18

Kenle ko kakula nrenya bie nwunle bɛ. Ɔhɔhanle ɔhilele Abesalɛm, yemɔti bɛ mu nwiɔ bɛnriandile bɛhɔle nrenya bie mɔɔ wɔ Bahulem la sua nu. Ɔlɛ bula bie wɔ ye awuke ne anu na bɛdwule nuhua.

2 Sam 3:16

Na mɔɔ bɛ nee Maekale kɔ la, ɔ hu vale ɛzunlɛ doale ye toonwo ɔhɔdwule Bahulem. Na Abenɛɛ zele ye kɛ, “Sia ɛ nzi!” Na Paleteɛle ziale.

Ɛseta Buluku ne 2:5

Dwuunli bie wɔ suakpole Susa azo, bɛfɛlɛ ye Mɔdekae. Ɔ ze a le Gyeeyɛɛ, Gyeeyɛɛ ɔ ze a le Hyemɛyae, yɛɛ Hyemɛyae ɔ ze a le Kɛhye mɔɔ vi Bɛngyaman abusua ekpunli ne anu la.

Dwobu Buluku ne 30:11

Kɛmɔ Nyamenle ɛbɛlɛ me aze la, yemaa bɛva bɛ ɛya bɛgua me nwo zo.

Edwɛndolɛ Buluku ne 102:8

Me kpɔvolɛma twi me nyunlu dahuu, bɛdabɛ mɔɔ bɛsi me amgbu la fa me duma yɛ ndonwo wa amonle.

Edwɛndolɛ Buluku ne 109:28

Maa bɛwa me amonle, na wɔmɔ yila me, maa me kpɔvolɛma anyunlu ɛgua aze, na wɔ sonvolɛma ɛli fɛlɛko.

Edwɛndolɛ Buluku ne 69:26

Ɔluakɛ bɛyɛ mɔɔ wɔdea ye la kpɔdekpɔde, na bɛkondɔ mɔɔ wɔboda ye la nganlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:27

ɔluakɛ ɛhye ala a ɔwula a, ye tɛladeɛ mɔɔ ɔfa ɔkeda ye sonlabaka ne anwo la ɛne. Duzu yɛɛ ɔva ɔla a? Saa ɔsu ɔfɛlɛ me a, mebadie ye, ɔluakɛ mese anwunvɔne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:28

“Bɛmmatendɛ bɛtia Nyamenle anzɛɛ bɛmmawa sonla mɔɔ sie bɛ menli ne la amonle.

Mrɛlɛbulɛ Buluku ne 26:2

Amowa mɔɔ ɛnlɛ ɔ bo la ɛndila. Ɔle kɛ ngɛsanoma mɔɔ di tutɛnla anzɛɛ nyamenleakatiba mɔɔ di ahyimango la.

Nolo 10:20

Mmaka ɛ ne aze ɛbɔ belemgbunli ne anwo tokule, yɛɛ mmafea wɔ suakunlu bɔbɔ ɛbɔ sukoavolɛ anwo tokule. Anloma anzɛɛ kɛkɛba biala mɔɔ lɛ ndɛbalɛ la bahola ahɔha mɔɔ wɔha la ahile bɛ.

Ayezaya Buluku ne 8:21

Menli ne bava ɛhɔne aluolua azɛlɛ ne azo, bɛ rɛle abɔ bɛ nwo. Saa ɛhɔne ɛlɛku bɛ a bɛbava ɛya na bɛawa bɛ belemgbunli ne nee bɛ Nyamenle ne amonle. Bɛbanlea anwomanyunlu,

1 Sam 17:43

Ɔzele Devidi kɛ, “Ɛdwenle kɛ mele twea mɔɔ yemɔti ɛ nee me baho a ɛnee ɛfa baka a?” Na Golayate vale ye nyamenle ne wale Devidi amonle.