2 Sam 16:23 - BAEBOLO ANZƐƐ BULUKU NWUANZANWUANZA

²³ Mekɛ ne anu, folɛ biala mɔɔ Ahetɔfɛle kɛdu la le kɛ asɛɛ Nyamenle a ɛha a. Yemɔti Devidi nee Abesalɛm lile Ahetɔfɛle folɛdulɛ biala azo.

2 Sam 16:23 ပူးပေါင်းရင်းမြစ်များ

2 Sam 15:12

Na mɔɔ Abesalɛm bɔ azu ne la, ɔzoanle ɔmanle bɛhɔvɛlɛle Ahetɔfɛle mɔɔ vi Gaelo la. Nrenya ɛhye le Belemgbunli Devidi folɛdulɛma ne mɔ ko. Mɔɔ ɔrale la, ɔmanle Abesalɛm maamɔvo adwenle ne anu mianle yɛɛ eza ɔnyianle boavolɛma dɔɔnwo.

2 Sam 15:31

Bɛhanle bɛhilele Devidi kɛ, “Ahetɔfɛle boka maamɔvoma mɔɔ nee Abesalɛm lua la anwo.” Na Devidi zele kɛ, “O Ɛdɛnkɛma, mesɛlɛ wɔ, maa Ahetɔfɛle folɛdulɛ biala ɛyɛ mgbane.”

2 Sam 17:1

Yeangyɛ biala Ahetɔfɛle zele Abesalɛm kɛ, “Maa menye ɛlɔnema apenle ngoko bulu nee nwiɔ na ɛnɛ nɔe mengɔ Devidi anwo zo.

2 Sam 17:14

Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

2 Sam 17:23

Mɔɔ Ahetɔfɛle nwunle kɛ bɛanva ye folɛdulɛ ne la, ɔvole ye asoaso ne azo na ɔhɔle ɔdaye ye sua zo. Ɔtotole ninyɛne boɛ na ɔbɔle ɔ nwo akɔnvo. Bɛziele ye wɔ ɔ ze nla ne anu.

Dwobu Buluku ne 28:28

“Na ɔzele sonla kɛ, ‘Nrɛlɛbɛ a le kɛ ɛkɛzulo Awulae; yɛɛ ndelebɛbo a le kɛ ɛkɛhwe ɛ nwo ɛkɛvi ɛtane nwo!’ ”

Dwobu Buluku ne 5:12

Ɔsɛkye agyibatovoma mɛlɛbɛla, na ɔmaa bɛfua asakpane.

Edwɛndolɛ Buluku ne 19:7

Ɛdɛnkɛma mɛla ne di munli, ɔmaa ɛkɛla ne anwo kpundi ye; Ɛdɛnkɛma ngyehyɛlɛ ne le kpundii, ɔmaa mɔɔ ɛnze nrɛlɛbɛ la nwu nrɛlɛbɛ.

Edwɛndolɛ Buluku ne 28:2

Tie me modolɛ nzɛlɛlɛ, melɛsu meavɛlɛ wɔ kɛ ɛboa me, yemɔti medende me sa, wɔ wɔ ɛleka nwuanzanwuanza ne.

Nolo 10:1

Nrɛzenra avunli maa mɔɔ yɛ sakyeɛ la nwole evuanlɛ bɔ nvoanle, yɛɛ koaseayɛlɛ ekyi sɛkye nrɛlɛbɛ kpole nee enililɛ.

Gyɛlɛmaya Buluku ne 4:22

Ɛdɛnkɛma se, “Me menli ne le ahɔnwɔne; bɛnze me. Bɛle ngakula ahoasea; bɛnlɛ ndelebɛbo. Bɛbe ɛtaneyɛlɛ nu, na kpalɛ, bɛnze ye yɛ.”

Gyɛlɛmaya Buluku ne 8:9

Nrɛlɛbɛvolɛma anyunlu bagua aze. Bɛ adwenle baha abɔ nu na bɛahye bɛ. Nea, bɛkpo medame Ɛdɛnkɛma me nloa edwɛkɛ; na duzu nrɛlɛbɛ bɔbɔ a bɛze a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

Wulo 1:22

Bɛse bɛze nrɛlɛbɛ, noko bɛle ahɔnwɔne;

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Sam 30:8

Na Devidi bizale Ɛdɛnkɛma kɛ, “Memkpo nwule ne mɔ ɔ? Menwɔhola bɛ kye ɔ?” Ɛdɛnkɛma buale kɛ, “Foa bɛ, ɛbahye bɛ na wɔalie menli mɔɔ bɛhye bɛ la.”