2 Sam 16:19 - BAEBOLO ANZƐƐ BULUKU NWUANZANWUANZA

¹⁹ Saa meanzonle me menle ara ne a ɛnee nwane bieko a ɔwɔ kɛ mesonle ye a? Kɛ mezi mezonle ɛ ze la, zɔhane ala yɛɛ mebazonle wɔ a.”

2 Sam 16:19 ပူးပေါင်းရင်းမြစ်များ

2 Sam 15:34

Sia kɔ suakpole ne azo na kɔze Abesalɛm kɛ, ‘O belemgbunli, mele wɔ sonvolɛ; mekɛ bie mɔɔ ɛze ɛhɔ la, menzonlenle ɛ ze, zɔhane ala yɛɛ mera mebazonle wɔ a.’ Ye zɛhae, yemɔ ɛbahola wɔazɛkye Ahetɔfɛle maamɔvo adwenle biala mɔɔ ɔkɛbɔ la.

2 Sam 16:18

Huhyae zele Abesalɛm kɛ, “Kyɛkyɛ, sonla ne mɔɔ Ɛdɛnkɛma nee ye menli ne nee mɔɔ Yizilayɛma kɔsɔɔti ɛkpa nu ɛye ye la, yemɔ yɛɛ mewɔ ye afoa a.

2 Sam 16:20

Akee Abesalɛm zele Ahetɔfɛle kɛ, “Fa wɔ adwenle bɛla; duzu debie a ɔwɔ kɛ yɛyɛ a?”

Edwɛndolɛ Buluku ne 55:21

Ɔ nloa anu menlemenle tɛla ngyenle, noko konle ala yɛɛ ɔzo ɔlua a. Ye edwɛkɛ yɛ fɛ tɛla asikyelɛ, noko bɛpɛ kɛ konle dadeɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:13

Mediema Dwuuma mɔɔ ɔradole bɛ la, bɛdabɛ noko bɛyɛle bɛ nwo avoanvoanle kɛ Pita la, bɛmanle Banabase bɔbɔ ɔdaye ɔbɔle bɛ foanvoanle ɛbɛla ɛhye bie.

1 Sam 28:2

Devidi zele Ekehye kɛ, “Ɛhɛe, mele wɔ sonvolɛ, ɛdawɔ ɛbanwu moalɛ mɔɔ wɔ sonvolɛ bava aboa wɔ a.” Ekehye zele Devidi kɛ, “Mo! Mebayɛ wɔ me sinzavolɛ wɔ mekɛ mɔɔ mede ngoane nu la.”

1 Sam 29:8

Na Devidi zele Ekehye kɛ, “Duzu ɛtane yɛɛ meyɛ a? Kɛmɔ ɛdawɔ wɔha la, sumunli kɛ me nee wɔ radɛnlanle la, saa ɛtɛnwunle ɛtane biala mɔɔ meyɛ la a, ɛnee duzu ati yɛɛ me nee me menli nee me belemgbunli ɛnrɛhɔ konle ne na menrɛho menrɛtia ye kpɔvolɛma ɛ?”