2 Sam 16:16 - BAEBOLO ANZƐƐ BULUKU NWUANZANWUANZA

¹⁶ Mɔɔ Devidi agɔnwo Akaenli Huhyae rale Abesalɛm ɛkɛ ne la, ɔdeanle nuhua kɛ, “Belemgbunli ɛnyi ɛhyɛ! Belemgbunli ɛnyi ɛhyɛ!”

2 Sam 16:16 ပူးပေါင်းရင်းမြစ်များ

2 Sam 15:32

Mɔɔ Devidi dwule boka ne azo, ɛleka mɔɔ bɛsonle Nyamenle la, Akaenli Huhyae rayiale ye, ɛnee yesuosua ye tɛladeɛ ne anu na yeva ndɛtɛlɛ yeyɛ ɔ ti zo.

2 Sam 15:34

Sia kɔ suakpole ne azo na kɔze Abesalɛm kɛ, ‘O belemgbunli, mele wɔ sonvolɛ; mekɛ bie mɔɔ ɛze ɛhɔ la, menzonlenle ɛ ze, zɔhane ala yɛɛ mera mebazonle wɔ a.’ Ye zɛhae, yemɔ ɛbahola wɔazɛkye Ahetɔfɛle maamɔvo adwenle biala mɔɔ ɔkɛbɔ la.

2 Sam 15:37

Yemɔti Devidi agɔnwo Huhyae ziale hɔle suakpole ne azo wɔ mekɛ ko ne ala mɔɔ ɛnee Abesalɛm ɛlɛba aravo Gyɛlusalɛm la.

1 Arl 1:25

Ɔluakɛ ɛnɛ kenle ye ala, yehu nlankɛ, nyɛmoa mɔɔ ɛlɔ nee mboane dɔɔnwo yebɔ azu na yedo ɛsalɛ yevɛlɛ Nana amra ne mɔ amuala, Safohyenlema Kpanyinli Dwowabe yɛɛ sɛlɛvolɛ Abayata. Bɛlɛdi bɛno na bɛlɛka kɛ, ‘Nyamenle ɛyila belemgbunli Adonaegya ɛmaa ɔnyi ɔhyɛ.’

1 Arl 1:34

Saa bɛdwu ɛkɛ a bɛmaa sɛlɛvolɛ Zeedɔko nee Nyamenle kpɔmanvolɛ Neetan ɛkpokpa ye nwole kɛ ɔle Yizilayɛma belemgbunli. Bɛwie a bɛwu aweɛne tendenle ne anu bɛze kɛ, ‘Belemgbunli Sɔlɔmɔn ɛnyi ɛhyɛ.’

1 Arl 4:5

Azalaya nea maanzinli ne mɔ anu amɛnladoma ne mɔ anwo zo. Bɛfɛlɛ ɔ ze Neetan. Zeebɛde le sɛlɛvolɛ yɛɛ yemɔ a ɔtu belemgbunli folɛ a. Ɔ ze a le Neetan.

2 Arl 11:12

Akee Gyɛhɔyada vale Dwowahye vindele, ɔzoale ye belemgbunli kyɛlɛ ne na ɔvale mɛla buluku ne mɔɔ maa ye belemgbunlililɛ ne di munli la ɔmanle ye. Akee bɛguale nwole wɔ Dwowahye ati zo na bɛziele ye belemgbunli. Menli ne bɔle bɛ sa nu na bɛdeanle nuhua kɛ, “Belemgbunli ɛnyi ɛhyɛ!”

Daneɛle Buluku ne 2:4

Bɛbuale belemgbunli ne wɔ Arelam aneɛ nu kɛ, “Nana, nyi kyɛ! Ka wɔ ɛlalɛ ne kile yɛ maa yɛhile ɔ bo.”

Daneɛle Buluku ne 5:10

Belemgbunli raalɛ ne dele belemgbunli nee ye mgbanyima ne mɔ ane la, ɔrale ɛkponledolɛ sua ne anu na ɔzele kɛ, “Belemgbunli, nyi kyɛ! Mmamaa ɔyɛ wɔ ɛzulolɛ yɛɛ mmamaa ɛ rɛle bɔ.

Daneɛle Buluku ne 6:21

Daneɛle buale belemgbunli ne kɛ, “Nana, nyi kyɛ!

Daneɛle Buluku ne 6:6

Yemɔti mgbanyima ne nee amɛnladoma ne mɔ lile bɛ nloa rale belemgbunli ɛkɛ rahanle hilele ye kɛ, “Belemgbunli Dalayɛse, nyi kyɛ!

Edwɛkpa ne kɛmɔ Mateyu hɛlɛle la 21:9

Na menli dɔɔnwo ne mɔɔ li ɔ nyunlu nee ɔ nzi la deɛdeanle nuhua kɛ, “Ayɛlɛyelɛ ɛha Devidi Ara ne! Nyamenle ɛyila mɔɔ lua Awulae duma nu ɛlɛba la! Bɛye Nyamenle ayɛlɛ!”

1 Sam 10:24

Na Samoɛle zele menli ne kɔsɔɔti kɛ, “Sonla ne mɔɔ Ɛdɛnkɛma ɛye ye ɛmaa bɛ la ɛne, bɛnwu ye ɔ? Awie biala ɛnle menli ye avinli mɔɔ nee ye sɛ a.” Na menli ne kɔsɔɔti deanle nuhua kɛ, “Belemgbunli ne ɛnyi ɛhyɛ.”