2 Sam 16:12 - BAEBOLO ANZƐƐ BULUKU NWUANZANWUANZA

¹² Bie a ɛnee Ɛdɛnkɛma banwu kɛ mezi meyɛ anwunvɔne la na yeamaa me nyilalɛ yeazie sasa ye mɔɔ ɛnɛ bɛlɛbɔ me la abo zo.”

2 Sam 16:12 ပူးပေါင်းရင်းမြစ်များ

2 Sam 16:13

Yemɔti Devidi nee ye menli ne zɔle bɛ adendulɛ ne azo. Mɔɔ bɛlɛkɔ la ɛnee Hyemɛyae lua boka ne anye anwo ɔlɛ sasabɔlɛ ne ɔzi ye zo, ɔkpa ye awolɛ na ɔfuandi anwea ɔgua bɛ nwo.

2 Arl 19:4

Aselea belemgbunli ne ɛzoa ye safohyenlema kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma Nyamenle dele mɔɔ ɔhanle la. Yemɔti sɛlɛ Ɛdɛnkɛma wɔ Nyamenle ne kɛ ɔdie zɛhae aholobabɔlɛ ne na ɔdua menli mɔɔ bɔle aholoba ne la kakɛ, na sɛlɛ Nyamenle maa ye menli ekyi ne mɔɔ ɛha la.”

Edwɛndolɛ Buluku ne 10:14

Ɛdawɔ ɛnwu ye; ɛhɛe, ɛnwu amaneɛ nee nyane ne, ɛkola ɛsɔ ye ɛ sa mu nwiɔ; mɔɔ ɛnlɛ boavolɛ la fa ɔ nwo maa wɔ; wɔyɛ bɛdabɛ mɔɔ bɛnlɛ bɛ ze mɔ la boavolɛ.

Edwɛndolɛ Buluku ne 109:28

Maa bɛwa me amonle, na wɔmɔ yila me, maa me kpɔvolɛma anyunlu ɛgua aze, na wɔ sonvolɛma ɛli fɛlɛko.

Edwɛndolɛ Buluku ne 132:1

O Ɛdɛnkɛma, kakye Devidi nee amaneɛ kpole mɔɔ ɔnwunle ye;

Edwɛndolɛ Buluku ne 25:18

Nea me nyane nee me amaneɛnwunlɛ ne mɔ, na fa me ɛtane muala kyɛ me.

Mrɛlɛbulɛ Buluku ne 25:22

ɔluakɛ saa ɛyɛ ye zɔhane a ɛnee ɛlɛkuohua samɛnlakɛ ɔ ti zo, na Ɛdɛnkɛma bayila wɔ.

Mrɛlɛbulɛ Buluku ne 26:2

Amowa mɔɔ ɛnlɛ ɔ bo la ɛndila. Ɔle kɛ ngɛsanoma mɔɔ di tutɛnla anzɛɛ nyamenleakatiba mɔɔ di ahyimango la.

Ayezaya Buluku ne 27:7

Ɛdɛnkɛma ɛtɛteanle Yizilayɛma, kɛmɔ ɔdeanle bɛdabɛ mɔɔ bɛkpɔ bɛ la, yɛɛ ɔtɛkunle bɛ, kɛmɔ bɛhunle bɛ kpɔvolɛma ne la.

Dwowɛle Buluku ne 2:14

Wɔannea Ɛdɛnkɛma bahakyi ye adwenle, yeagyakyi bɛ nyilalɛ dɔɔnwo wɔ ɛhye anzi, amaa bɛava ma nee nza azubɔdeɛ bɛamaa Ɛdɛnkɛma bɛ Nyamenle ne.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.

Mɛla 23:5

Noko Ɛdɛnkɛma bɛ Nyamenle ne andie Beelam ane; Ɛdɛnkɛma bɛ Nyamenle ne hakyile amowa ne manle ɔyɛle nyilalɛ ɔmanle bɛ, ɔluakɛ Ɛdɛnkɛma bɛ Nyamenle ne hulole bɛ.

Mɛla 23:6

Mekɛ tendenle biala mɔɔ bɛde ngoane nu la, bɛmmamaa menli zɔhane nyia anzonudwolɛ yɛɛ bɛmmamaa bɛkpazi ɛlɛ.

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

Kɛlata mɔɔ bɛhɛlɛle bɛhɔmanle Hibuluma la 12:10

Yɛ ze mɔ mɔɔ wole yɛ la tea yɛ mekɛ ekyi bie ala, kɛmɔ bɛdabɛ bɛnea a ɔle kpalɛ la, na Nyamenle tea yɛ wɔ yɛdayɛ yɛ kpalɛ ti, amaa kenle bie yɛanyia ye nwuanzanwuanzayɛlɛ ne bie.

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”