2 Sam 16:11 - BAEBOLO ANZƐƐ BULUKU NWUANZANWUANZA

¹¹ Akee Devidi zele Abehyae nee ye mgbanyima ne mɔ amuala kɛ, “Me kunlu ralɛ bɔbɔ ɛlɛpɛ me nwo adenle yeahu me, na Bɛngyamanenli ye ɛdeɛ mɔɔ ɛlɛyɛ la yɛɛ yɛ bɛ azibɛnwo a. Bɛgyakyi ye bɛmaa ɔbɔ me sasa. Ɛdɛnkɛma a se ɔyɛ a.

2 Sam 16:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:4

Na Ebilam dele kɛ Ɛdɛnkɛma ɛlɛtendɛ ahile ye bieko kɛ, “Nrenya ɛhye ɛnrɛli wɔ agya. Ɛdawɔ ɛ kunlu ralɛ nrenya a bali wɔ agya a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 45:5

Bɛmmamaa ɔyɛ bɛ nyane, yɛɛ bɛmmafa bɛ nwo ɛya kɛ bɛdɔnenle me bɛmanle bɛ nee me rale ɛke a, ɔluakɛ Nyamenle a zoanle me kɛ menlumua bɛ nyunlu na memanlie menli dɔɔnwo ngoane a.

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

2 Sam 7:2

Na belemgbunli ne akee zele Nyamenle kpɔmanvolɛ Neetan kɛ, “Mame mede mbaka sua nu na Nyamenle Ngyekyeleɛ Ɛlɛka ne gyi ndanlɛ sua nu.”

2 Arl 19:37

Kenle ko ɔwɔ ye bozonle Nezelɔko amonle sua ne anu la, ɔ mra mrenya ne mɔ anu nwiɔ, Adelamɛlɛke nee Hyalizɛ rahunle ye na bɛnriandile bɛhɔle Arelalate. Ɔ mra ne mɔ ko mɔɔ bɛfɛlɛ ye Yisaahadɔn la lile ebia ne.

2 Edk 32:21

Na Nyamenle manle ye soanvolɛ rahunle Aseleama safohyenlema nee mgbanyima nee katakyiema kɔsɔɔti mɔɔ wɔ Aseleama azokoɛleɛ ne la. Yemɔti Aselea belemgbunli ne vale nyiane ziale hɔle ye maanle nu. Mɔɔ ɔhɔdwule ye bozonle ne anyunlu la, ɔdaye ɔ kunlu mralɛ mrenya ne bie mɔ rahunle ye.

Edwɛndolɛ Buluku ne 109:28

Maa bɛwa me amonle, na wɔmɔ yila me, maa me kpɔvolɛma anyunlu ɛgua aze, na wɔ sonvolɛma ɛli fɛlɛko.

Yizikeɛle Buluku ne 14:9

“Na saa mɛlɛbɛla bie ba Nyamenle kpɔmanvolɛ zɔhane afoa nu, na ɔbuke ɔ nloa ɔka adalɛ nrɛlaleɛ biala a, ɛnee medame, Ɛdɛnkɛma a meyɛ a. Mebadea ye na meazɛkye ye meavi me menli Yizilayɛma avinli.

Yizikeɛle Buluku ne 20:25

“Yemɔti memanle bɛ mɛla mɔɔ ɛnle kpalɛ nee ngyehyɛlɛ mɔɔ bɛdi zolɛ a, bɛnrɛnyia ngoane la.

Edwɛkpa ne kɛmɔ Mateyu hɛlɛle la 10:21

“Adiema baye adiema amaa kɛ bɛhu ye. Selɛ baye ralɛ amaa, mralɛ badwazo bɛ awovolɛma anwo zo na bɛaye bɛ bɛamaa bɛahu bɛ.

1 Sam 26:19

Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.