2 Sam 16:10 - BAEBOLO ANZƐƐ BULUKU NWUANZANWUANZA

¹⁰ Na belemgbunli ne zele Abehyae nee ɔ diema Dwowabe kɛ, “Bɛmɛ Zɛluaya amra, ɛhye ɛnle bɛ edwɛkɛ. Saa Ɛdɛnkɛma yɛɛ ɛze ye kɛ ɔbɔ Devidi sasa a ɛnee nwane a lɛ adenle kɛbiza ye kɛ, ‘Duzu ati a wɔyɛ ɛhye ɛ?’ ”

2 Sam 16:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:20

Bɛmɛ ɛdeɛ, ɛnee bɛkpondɛ me nee munzule, na Nyamenle kpondɛle me nee saleɛ, amaa yeara ye zɔhane na mealie menli dɔɔnwo ngoane, kɛmɔ ɛnɛ bɛde la.

2 Sam 19:22

Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

2 Sam 19:23

Akee belemgbunli ne hanle ndane na ɔzele Hyemɛyae kɛ, “Bɛnrɛhu wɔ.”

2 Sam 3:39

Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

1 Arl 17:18

Raalɛ ne hanle hilele Yilaegya kɛ, “Nyamenle sonla, duzu edwɛkɛ a le ɛhye? Medwenle kɛ ɛrale ɛke kɛ ɛfa saleɛ wɔarɛlɛ me; amuanrɛɛ ɛrale kɛ ɛbaza me ɛtane ne mɔ wɔagua zolɛ na wɔamaa me ra ye awu.”

1 Arl 2:5

“Mɔɔ tɔ zolɛ bieko la a le kɛ, ɛdawɔ ɛze mɔɔ Zɛluaya ara Dwowabe vale yɛle me na ɔhunle Yizilayɛ safohyenle mgbanyinli nwiɔ ne mɔɔ le Abenɛɛ ara Nɛɛ nee Gyita ara Ameesa la. Ɔhunle menli nwiɔ ɛhye wɔ anzonudwolɛ mekɛ nu ɔziele menli mɔɔ Abenɛɛ nee Ameesa hunle bɛ wɔ konle nu la abo zo; ɔmanle mengyinlanle gyinlabelɛ ɛtane, na kɛkala nwolɛ ngyelelɛ ɛdo me.

2 Arl 18:25

Anzɛɛ bɛdwenle kɛ medame me ti anwo yɛɛ meli mera mebadoa bɛ me nee bɛ aho, wɔ bɛdabɛ bɛ maanle ye anu a, na Ɛdɛnkɛma ɛnze nu? Ɛdɛnkɛma ɔdaye mumua ne a zele me kɛ menva konle mendoa bɛ na menzɛkye maanle ne a.”

Dwobu Buluku ne 9:12

Saa Nyamenle ɛlɛfa debie a, nwane a kɛhola ye aze si a? Nwane a kɛhola kɛbiza ye kɛ, ‘Duzu a ɛlɛyɛ la?’

Edwɛndolɛ Buluku ne 39:9

Medɔ mumule, membuke me nloa, ɔluakɛ ɛdawɔ yɛɛ wɔyɛ a.

Nolo 8:4

Ɔluakɛ mɔɔ belemgbunli kɛha la le tumi, yɛɛ nwane bɔbɔ a kɛhola kɛze ye kɛ, “Na duzu a ɛlɛyɛ la?”

Gyɛlɛmaya Awolɛyelɛ 3:37

Nwane a ɛha ɛmaa yeyɛ zɔ a? Kyesɛ Awulae ɔdaye yehyehyɛ ye zɔ.

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

Dw 18:11

Gyisɛse zele Pita kɛ, “Fa wɔ dadeɛ ne wula ye boa ne anu. Ɛdwenle kɛ menrɛnlo nyane kɔpo ne mɔɔ Egya ɛva ɛmaa me la anu ɔ?”

Wulo 9:20

Na ayi, ɛdawɔ bɔbɔ a le nwane na wɔayeye Nyamenle anloa azo? Buakɛ ɛngola ɛmbiza mɔɔ nwonle ye la kɛ, “Duzu ati a ɛnwonle me zɛhae ɛ?”

1 Pit 2:23

Noko mɔɔ bɛbɔ ye aholoba la, yeambɔ bɛ bie, bɛgolo ɔ nwo la, yeandɛ ɔ nloa anu; mɔɔ ɔnwu amaneɛ bɔbɔ la, yeanwunlonwunla awie, na ɔvale ye anyelazo kɔsɔɔti ɔdole Nyamenle anwo zo kɛ yemɔ a ɔle pɛlepɛle Ndɛnebuavolɛ ne a.

1 Sam 26:19

Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.