2 Sam 16:1 - BAEBOLO ANZƐƐ BULUKU NWUANZANWUANZA

¹ Mɔɔ Devidi hɔle ɔ nyunlu ekyii wɔ boka ne azo la, ɔ nee Mɛfebɔhyɛte sonvolɛ Zaeba yiale arɛlevilɛ nu. Ɔlɛ asoaso nwiɔ mɔɔ bɛva bɛ bɛbɔ nwo la, na yeva kpanwo ahunguma ɛya nwiɔ, vanye ma welera siakɛ ɛya ko, bakama amolɛ siakɛ ɛya ko yɛɛ nwanye kodoku ko yekyekye asoaso ne mɔ anzi.

2 Sam 16:1 ပူးပေါင်းရင်းမြစ်များ

2 Sam 15:30

Devidi vole hɔle Ɔlivi Boka ne azo. Ɔkɔ la ɛnee ɔlɛsu, ɔ gyakɛ gua aze na yeheda ɔ ti zo, na bɛdabɛ mɔɔ bɛ nee ye lua la noko hedɛhedale bɛ ti zo. Bɛhɔle boka ne azo; bɛkɔ la ɛnee bɛlɛsu.

2 Sam 15:32

Mɔɔ Devidi dwule boka ne azo, ɛleka mɔɔ bɛsonle Nyamenle la, Akaenli Huhyae rayiale ye, ɛnee yesuosua ye tɛladeɛ ne anu na yeva ndɛtɛlɛ yeyɛ ɔ ti zo.

2 Sam 19:17

Ɔba la, ɔ nee Bɛngyaman abusua ekpunli ne anu menli apenle a rale a. Na Zaeba, mɔɔ le sonvolɛ wɔ Sɔɔlo awuke nu la, vale ɔ mra mrenya bulu nee nnu ne nee sonvolɛma abulanwiɔ nriandile rale Dwɔdan ne anloa kolaa na belemgbunli ne adwu ɛkɛ.

2 Sam 19:32

Bazeleeyae le sonla koatee mɔɔ anye ɛvi a; yeli ɛvolɛ abulatwɛ. Mɔɔ belemgbunli ne wɔ Meehaneeyem la ɔzieziele ye dahuu, ɔluakɛ ɔle sukoavolɛ kpole kpalɛ.

1 Edk 12:40

ɔluakɛ menli mɔɔ wɔ Yesakaa, Zɛbulɛn yɛɛ Nafetalae la vale aleɛ ngakyile mɔɔ le kɛ ɛdɔkɛ, feege ma, keeki, nwanye, nwole, yɛɛ vanye ma welera dɔɔnwo kpalɛ wulale bɛ ahodoku ahodoku guale bɛ asoaso, afunlumu, mgbɔnwɔndua, yɛɛ nlankɛ nyinli nzi rɛlɛle bɛ. Eza bɛrɛlɛle bɛ nlankɛ nee mboane dɔɔnwo kɛ bɛhu bɛ bɛli, ɔluakɛ ɛnee anyelielɛ ɛra Yizilayɛ.

Mrɛlɛbulɛ Buluku ne 18:16

Sonla ahyɛlɛdeɛ buke adenle maa ye na ɔfa ye ɔfinde menli mgbole nyunlu.

Gyɛlɛmaya Buluku ne 40:10

Na mame, mebadɛnla Mezepa na meagyinla bɛ ti wɔ yɛ nee Babeloniama mɔɔ kɛra yɛ ɛkɛ la avinli. Bɛdɛnla bɛ azua mɔɔ bɛwɔ zo la azo, bɛboɔboa nwanye, vanye ma, yɛɛ ɔlivi nwole nloa bɛzie ɛkɛ.”

Gyɛlɛmaya Buluku ne 40:12

Yemɔti Dwuuma mɔɔ ɛnee bɛvoa bɛ bɛhɔgua maanle gyɛne gyɛne zo la amuala ziale rale Dwuda azɛlɛ zo, wɔ Gɛdalaya anwo ɛkɛ wɔ Mezepa. Bɛraboɔboale nwanye nee vanye ma dɔɔnwo anloa.

Emɔzo Buluku ne 8:1

Eza Tumivolɛ Ɛdɛnkɛma yele ɛhye hilele me. Menwunle kɛndɛne mɔɔ mbakama wɔ nu la.

Maeka Buluku ne 7:1

Abule ɛbu me! Ɔluakɛ meyɛ kɛ sonla mɔɔ ɛhɔne ɛlɛku ye na bɛtete ye wawaa nzoleɛ muala la, vanye ma ɛwie vanye mbaka zo, yɛɛ feege ma mɔɔ ɛlielie la bie ɛnle ɛkɛ na meade bie meazɔ me ɛbolɛ.

1 Sam 10:3

Ɛvi ɛkɛ ne a ɛbahɔ toonwo wɔahɔdwu baka bie anwo wɔ Teebɔ. Ɛkɛ ne, ɛ nee mrenya nsa bayia kɛ bɛlɛ bɛ azubɔdeɛ bɛlɛkɔ Bɛtɛle bɛahɔbɔ azu bɛamaa Nyamenle. Ko lɛ mbɔnkye mralɛ nsa, ko lɛ kpanwo ahunguma nsa, yɛɛ ko noko lɛ nwoma kodoku mɔɔ nwanye wɔ nu la.

1 Sam 16:20

Gyɛsi wulale kpanwo zoale asoaso, ɔvale nwanye nwoma kodoku ko tɛkɛɛ, yɛɛ abɔnkye ralɛ ɔmanle Devidi vale hɔle Sɔɔlo ɛvɛlɛlɛ ne.

1 Sam 25:18

Ndɛndɛ ne ala Abegeli vale kpanwo ahunguma ɛya nwiɔ, nwanye nwoma ahodoku nwiɔ, mboane mɔɔ bɛbia bɛ la nnu, ma ngyehye kilo bulu nee nsuu, vanye ma welera aziakɛ ɛya ko, yɛɛ keeki mɔɔ bɛva feege ma bɛyɛ la ɛya nwiɔ, na bɛkyekyele bɛ wɔ asoaso nzi.