2 Sam 15:8 - BAEBOLO ANZƐƐ BULUKU NWUANZANWUANZA

⁸ Mekɛ mɔɔ mewɔ Gihyɛ mɔɔ wɔ Arelam la, membɔle ɛwɔkɛ kɛ, ‘Saa Ɛdɛnkɛma boa me maa mesia meba Gyɛlusalɛm a, menwɔhɔzonle ye wɔ Hibulɔn.’ ”

2 Sam 15:8 ပူးပေါင်းရင်းမြစ်များ

2 Sam 14:23

Na Dwowabe hanle ɔ nwo hɔle Gihyɛ hɔvale Abesalɛm rale Gyɛlusalɛm.

2 Sam 14:32

Abesalɛm buale ye kɛ, “Mengɛlale wɔ nrɛlaleɛ kɛ ɛrɛla, amaa meazoa wɔ wɔ belemgbunli ɛkɛ meamaa wɔahɔbiza ye kɛ, ‘Duzu ati a wɔmaa mevi Gihyɛ mera ɛ? Ɔle kpalɛ kɛ anrɛɛ mendɛnlanle nehane.’ Yemɔti mekpondɛ kɛ ɛ nee me kɔ belemgbunli ɛkɛ ne. Saa medi fɔlɛ a ɔhu me.”

2 Sam 15:9

Belemgbunli ne zele ye kɛ, “Kɔ anzonudwolɛ nu.” Yemɔti Abesalɛm hɔle Hibulɔn.

2 Sam 3:3

Keleabe, ɔ nli a le Abegeli mɔɔ Neebale mɔɔ ɛha ɛleka bie la gyale ye la; ɔvi Kamɛle. Abesalɛm, ɔ nli a le Meeyaka, Belemgbunli Talemae mɔɔ vi Gɛhyɔ la ara raalɛ ɔ;

Edwɛndolɛ Buluku ne 56:12

O Nyamenle, ɛwɔkɛ biala mɔɔ mebɔ la, ɔwɔ kɛ meye; mebava mo azubɔdeɛ meamaa wɔ.

Nolo 5:4

Saa ɛbɔ Nyamenle ɛwɔkɛ a mmakyɛ na wɔaye, ɔluakɛ ɔ nye ɛnlie ahoasea nwo. Ye wɔ ɛwɔkɛ ne mɔɔ ɛkɛbɔ la.

Ayezaya Buluku ne 28:15

Kɛmɔ bɛha kɛ, “Yɛ nee ewule ɛyɛ ngyekyeleɛ, yɛɛ yɛ nee ɛbolɔ ɛyɛ ngyehyɛlɛ la, saa munzule kpole ne ba a ɔnrɛha yɛ, ɔluakɛ yɛmaa adalɛ ɛyɛ yɛ ɛvealeka, yɛɛ adalɛ nu a yɛnriandi yɛhɔvea a.”

Gyɛlɛmaya Buluku ne 42:20

Bɛva bɛ ngoane bɛdo nzeleba na bɛminli, ɔluakɛ bɛzoanle me wɔ Ɛdɛnkɛma bɛ Nyamenle ne ɛkɛ kɛ menzɛlɛ Ɛdɛnkɛma bɛ Nyamenle ne memaa bɛ, na edwɛkɛ biala mɔɔ ɔkɛze bɛ la bɛkɛli zolɛ.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”

1 Sam 16:2

Samoɛle bizale Ɛdɛnkɛma kɛ, “Kɛ menzi mengɔ ye ɛ? Saa Sɔɔlo te nwolɛ bie a, ɔbahu me.” Ɛdɛnkɛma buale ye kɛ, “Fa ɛnlankɛ ekyi ko kɔ, na ka ye kɛ, ‘Mera mebabɔ azu meamaa Ɛdɛnkɛma.’