2 Sam 15:31 - BAEBOLO ANZƐƐ BULUKU NWUANZANWUANZA

³¹ Bɛhanle bɛhilele Devidi kɛ, “Ahetɔfɛle boka maamɔvoma mɔɔ nee Abesalɛm lua la anwo.” Na Devidi zele kɛ, “O Ɛdɛnkɛma, mesɛlɛ wɔ, maa Ahetɔfɛle folɛdulɛ biala ɛyɛ mgbane.”

2 Sam 15:31 ပူးပေါင်းရင်းမြစ်များ

2 Sam 15:12

Na mɔɔ Abesalɛm bɔ azu ne la, ɔzoanle ɔmanle bɛhɔvɛlɛle Ahetɔfɛle mɔɔ vi Gaelo la. Nrenya ɛhye le Belemgbunli Devidi folɛdulɛma ne mɔ ko. Mɔɔ ɔrale la, ɔmanle Abesalɛm maamɔvo adwenle ne anu mianle yɛɛ eza ɔnyianle boavolɛma dɔɔnwo.

2 Sam 16:23

Mekɛ ne anu, folɛ biala mɔɔ Ahetɔfɛle kɛdu la le kɛ asɛɛ Nyamenle a ɛha a. Yemɔti Devidi nee Abesalɛm lile Ahetɔfɛle folɛdulɛ biala azo.

2 Sam 17:14

Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

2 Sam 17:23

Mɔɔ Ahetɔfɛle nwunle kɛ bɛanva ye folɛdulɛ ne la, ɔvole ye asoaso ne azo na ɔhɔle ɔdaye ye sua zo. Ɔtotole ninyɛne boɛ na ɔbɔle ɔ nwo akɔnvo. Bɛziele ye wɔ ɔ ze nla ne anu.

2 Sam 17:5

Akee Abesalɛm zele kɛ, “Bɛvɛlɛ Huhyae bɛmaa yɛdie ɔdaye noko.”

2 Sam 17:7

Huhyae zele Abesalɛm kɛ, “Adwenle ɛhye mɔɔ ɛnɛ Ahetɔfɛle ɛva ɛra la ɛnle kpalɛ.

Dwobu Buluku ne 5:12

Ɔsɛkye agyibatovoma mɛlɛbɛla, na ɔmaa bɛfua asakpane.

Edwɛndolɛ Buluku ne 109:3

Bɛfa ɛkpɔlɛ edwɛkɛ bɛyia me adenle, na mgbane gyɛne ne ala bɛteta me.

Edwɛndolɛ Buluku ne 3:1

O Ɛdɛnkɛma, me agbɔvolɛ ɛzo! Bɛdabɛ mɔɔ bɛkyi me la ɛzo.

Edwɛndolɛ Buluku ne 41:9

Me gɔnwo kpalɛ bɔbɔ mɔɔ me rɛle wɔ ye nu, mɔɔ nee me yɛto ɛsalɛ ɛyɛba ko anu la, ɛhakyi ɔ nzi ɛzi me.

Edwɛndolɛ Buluku ne 55:10

Alehyenlɛ nee aledwolɛ bɛdua bane ne mɔ ati zo, bɛbɔ suakpole ne mgbɔlɔka bɛyia; ninyɛmunli nee ngyegyelɛ ɛyi ye tɛkɛɛ,

Edwɛndolɛ Buluku ne 55:12

Ɔnle kpɔvolɛ mɔɔ si me amgbu ala, anrɛɛ menwɔhola menwɔgyinla ɔ nloa; ɔnle kpɔvolɛ mɔɔ tu ɔ nwo kile me ala, anrɛɛ menwɔnriandi menwɔvea.

Ayezaya Buluku ne 19:3

Bɛ ɛnwomenle mɔɔ wɔ bɛ nu la bawie, na mebazɛkye bɛ adwenle ngyehyɛleɛ biala. Bɛbahɔ bɛ awozonle ne mɔ, bɛ ngonyiama, menli mɔɔ tendɛ nwomenle nloa azo, yɛɛ bayivolɛma ne mɔ ɛkɛ ne abisa,

Ayezaya Buluku ne 44:25

Medame a mesɛkye adalɛma mɔɔ bɔ menli munzule la sɛkɛlɛneɛ ne mɔ, memaa menli mɔɔ tendɛ nwomenle nloa zo la yɛ ahoasea, memaa nrɛlɛbɛvolɛma nrɛlɛbɛ ka bɛ ti anu, na memaa bɛ adwenlenubukelɛ yɛ mgbane.

Dw 13:18

“Tɛ bɛ muala bɛ nwo edwɛkɛ a melɛka a; meze mɔɔ mekpa nu meye bɛ la. Na Nyamenle Edwɛkɛ ne mɔɔ se, ‘Sonla ne mɔɔ nee me di nee me no la hakyile ɔ nzi zile me’ la ɔwɔ kɛ yɛ zɔhane.

1 Kɔl 1:20

Ɛnee akee nrɛlɛbɛvolɛma hale nienwu? Nienwu a mɛla kilehilevolɛma ne hale a? Anzɛɛ mekɛ ɛhye anu kpolerazulɛ benlerama ne mɔ hale nienwu? Asoo Nyamenle ɛtɛkilele kɛ ewiade anu nrɛlɛbɛ le debie mgbane?

Gyemise Kɛlata ne 3:15

Nrɛlɛbɛ zɛhae ɛnvi anwuma lɔ a ba a; ɔle ewiade nrɛlɛbɛ yɛɛ Nyamenle Sunsum ɛnle sonla ne mɔɔ lɛ ye la nu; sonla zɔhane le abɔnsam.