2 Sam 15:30 - BAEBOLO ANZƐƐ BULUKU NWUANZANWUANZA

³⁰ Devidi vole hɔle Ɔlivi Boka ne azo. Ɔkɔ la ɛnee ɔlɛsu, ɔ gyakɛ gua aze na yeheda ɔ ti zo, na bɛdabɛ mɔɔ bɛ nee ye lua la noko hedɛhedale bɛ ti zo. Bɛhɔle boka ne azo; bɛkɔ la ɛnee bɛlɛsu.

2 Sam 15:30 ပူးပေါင်းရင်းမြစ်များ

2 Sam 15:29

Yemɔti Zeedɔko nee Abayata vale Nyamenle Ngyekyeleɛ Ɛlɛka ne ziale hɔle Gyɛlusalɛm na bɛhɔdɛnlanle ɛkɛ.

2 Sam 19:4

Belemgbunli ne hedale ɔ nye na ɔdukuele nuhua ɔzunle kɛ, “O me ra Abesalɛm, O Abesalɛm, me ra ye o!”

2 Sam 19:5

Dwowabe rale belemgbunli sua nu ɛkɛ ne na ɔzele ye kɛ, “Ɛnɛ wɔmaa nyiane ɛhu wɔ mgbanyima kɔsɔɔti mɔɔ ɛlie wɔ ngoane, na bɛlie ɛ mra mrenya nee mraalɛ, wɔ mraalɛ nee wɔ mgbɔnla ngoane la.

Ɛseta Buluku ne 6:12

Akee Mɔdekae ziale hɔdɛnlanle ɔ bo zo ne wɔ belemgbunli ne anuhɔlɛ ne. Na Heeman hedale ɔ ti zo na ɔvale nyane nee nyiane ɔhɔle sua nu ndɛndɛ.

Edwɛndolɛ Buluku ne 42:3

Alehyenlɛ nee aledwolɛ, me monle ɛyɛ me aleɛ, na menli biza me dahuu kɛ, “Wɔ Nyamenle ne wɔ ni?”

Edwɛndolɛ Buluku ne 43:5

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, ɔluakɛ mebaye ye ayɛlɛ bieko kɛ, ɔle me boavolɛ nee me Nyamenle.

Yizikeɛle Buluku ne 24:17

Ɛbagu ɛnwomenle, noko ɔnle kɛ awie te, yɛɛ mmakile kɛ ɛlɛdi nyane. Fa wɔ abɔtile ne bɔ ɛ ti na fa wɔ mgbɔlaboa ne wula, mmakeda ɛ nyunlu yɛɛ mmadi aleɛ mɔɔ kile kɛ ɛlɛdi nyane la.”

Yizikeɛle Buluku ne 24:23

Bɛbabɔ bɛ abɔtile ne mɔ, bɛawula mgbɔlaboa; bɛnrɛzu yɛɛ bɛnrɛli nyane. Bɛ ninyɛndane ne mɔ bamaa bɛanwa na bɛazu bɛ kunlu bɛakponle bɛahile bɛ nwo ngoko.

Zɛkalaya Buluku ne 14:4

Mekɛ ne anu ɔbava ɔ gyakɛ yeazie Ɔlivi Boka ne mɔɔ wɔ Gyɛlusalɛm aduduleɛ la azo, na boka ne bakpuke nwiɔ, ɔvi aduduleɛ yeahɔdɔ adɔleɛ, yeaye bɔnza tɛtɛlɛ kpalɛ yeado ɛkɛ; ɛhye bamaa boka ne foa ko ahɔli sɔlɔ na foa ko arali nyiakɛ.

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Edwɛkpa ne kɛmɔ Luku hɛlɛle la 19:29

Ɔbikyele Bɛtefagyi nee Bɛtani, wɔ Ɔlivi Boka ne azo la, ɔzoanle ye ɛdoavolɛma ne nwiɔ ɔmanle bɛlumuale ɔ nyunlu,

Edwɛkpa ne kɛmɔ Luku hɛlɛle la 19:37

Ɔbikyele Gyɛlusalɛm wɔ Ɔlivi Boka ne ndololeɛ nu la, ye ɛdoavolɛma bebelebe ne bɔle ɔ bo vale fɛlɛkolilɛ yɛle Nyamenle mo yele ye ayɛlɛ wɔ ninyɛne mgbole ne mɔ mɔɔ bɛnwunle bɛ la ati,

Edwɛkpa ne kɛmɔ Luku hɛlɛle la 19:41

Gyisɛse bikyele Gyɛlusalɛm na ɔnwunle sua ne la, ɔzunle,

Edwɛkpa ne kɛmɔ Luku hɛlɛle la 21:37

Gyisɛse vale mekɛ ɛhye hilehilele wɔ nyianu sua ne anu, na ye nɔsolɛ nu yeahɔla Ɔlivi Boka ne azo.

Edwɛkpa ne kɛmɔ Luku hɛlɛle la 22:39

Gyisɛse vile suakpole ne azo na ɔhɔle Ɔlivi Boka ne azo, kɛmɔ ɔyɛ ye dɛba ne ala la, na ye ɛdoavolɛma ne doale ye.

Ɛzoanvolɛma Gyima ne 1:12

Ɛzoanvolɛma ne vi boka ne mɔɔ bɛfɛlɛ ye Ɔlivi la azo ziale rale Gyɛlusalɛm; adenle ne kɛyɛ kilomita ko.

Wulo 12:15

Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.

1 Kɔl 12:26

Saa sonlabaka ne nvɛyeba ko nwu nyane a, ɔka mɔɔ ɛha la amuala; yɛɛ saa bɛye ko ayɛlɛ a, mɔɔ ɛha la amuala nee ye di fɛlɛko.