2 Sam 15:29 - BAEBOLO ANZƐƐ BULUKU NWUANZANWUANZA

²⁹ Yemɔti Zeedɔko nee Abayata vale Nyamenle Ngyekyeleɛ Ɛlɛka ne ziale hɔle Gyɛlusalɛm na bɛhɔdɛnlanle ɛkɛ.

2 Sam 15:29 ပူးပေါင်းရင်းမြစ်များ

2 Sam 15:28

Mebahendɛ azule ne anloa, ɛleka mɔɔ bɛpɛ la wɔ fienemgbole ye anu kɔkpula mekɛ mɔɔ menwɔde ɛ nloa anu nrɛlaleɛ la.”

2 Sam 15:30

Devidi vole hɔle Ɔlivi Boka ne azo. Ɔkɔ la ɛnee ɔlɛsu, ɔ gyakɛ gua aze na yeheda ɔ ti zo, na bɛdabɛ mɔɔ bɛ nee ye lua la noko hedɛhedale bɛ ti zo. Bɛhɔle boka ne azo; bɛkɔ la ɛnee bɛlɛsu.

2 Sam 19:11

Na belemgbunli vale nrɛlaleɛ ɛhye hɔmanle sɛlɛvolɛma, Zeedɔko nee Abayata kɛ bɛha bɛhile Dwuda mgbanyima kɛ, “Duzu ati a bɛanlumua bɛanga ye kɛ bɛmaa yɛhɔva belemgbunli yɛrɛla sua nu ɛ? Ɔluakɛ mɔɔ Yizilayɛma kɔsɔɔti ɛha wɔ me ɛralɛ nwo la, mede ɔ muala.

Edwɛkpa ne kɛmɔ Maake hɛlɛle la 2:26

Wɔ Sɛlɛvolɛ Kpanyinli Abayata mekɛ zo, Devidi hɔle Nyamenle sua ne anu na ɔ nee ye menli ne mɔ lile kpanwo ne mɔɔ bɛva bɛbɔ azu bɛmaa Nyamenle la. Yɛ mɛla ne kile kɛ ɔwɔ kɛ sɛlɛvolɛma angome ala a di zɛhae kpanwo ne a. Noko Devidi lile bie, eza ɔvale bie ɔmanle menli mɔɔ ɔ nee bɛ lua la lile. Asoo bɛtɛtele ɛhye?”