2 Sam 15:25 - BAEBOLO ANZƐƐ BULUKU NWUANZANWUANZA

²⁵ Akee belemgbunli ne zele Zeedɔko kɛ, “Bɛva Nyamenle Ngyekyeleɛ Ɛlɛka ne bɛzia bɛhɔ suakpole ne azo. Saa ɔyɛ Ɛdɛnkɛma ɛhulolɛ a, ɔbamaa meazia mearanwu ye bieko nee ye Ndanlɛ Sua ne;

2 Sam 15:25 ပူးပေါင်းရင်းမြစ်များ

2 Sam 6:17

Bɛvale Ɛdɛnkɛma Ngyekyeleɛ Ɛlɛka ne bɛraziele ɛleka mɔɔ ɛnee Devidi ɛziezie wɔ Ndanlɛ Sua ne anu ɛmaa ye la. Akee Devidi bɔle ɛyelalɛ nee anzonudwolɛ azu manle Ɛdɛnkɛma.

2 Sam 7:2

Na belemgbunli ne akee zele Nyamenle kpɔmanvolɛ Neetan kɛ, “Mame mede mbaka sua nu na Nyamenle Ngyekyeleɛ Ɛlɛka ne gyi ndanlɛ sua nu.”

Edwɛndolɛ Buluku ne 122:1

Ɔyɛle me fɛ, mekɛ mɔɔ bɛhanle bɛhilele me kɛ, “Maa yɛhɔ Ɛdɛnkɛma Sua nu!”

Edwɛndolɛ Buluku ne 122:9

Ɛdɛnkɛma yɛ Nyamenle ne sua ne ati, mebazuzu wɔ boɛ.

Edwɛndolɛ Buluku ne 26:8

O Ɛdɛnkɛma, mekulo wɔ sua ne mɔɔ ɛde nu la, ɛleka mɔɔ wɔ anyunlunyia ne wɔ la.

Edwɛndolɛ Buluku ne 84:10

Wɔ sua nu ɛkɛ ne kenle ko ɛdɛnlanlɛ le kpalɛ tɛla kenle apenle wɔ ɛleka gyɛne. Menwɔhulo kɛ menwɔyɛ anlenkɛ sinzavolɛ wɔ me Nyamenle ne sua nu tɛla kɛ menwɔdɛnla amumuyɛma ndanlɛ sua nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:13

Wɔ anwunvɔnezelɛ ne ati, wɔli menli mɔɔ wɔlie bɛ ngoane la ati; wɔva wɔ tumi ne wɔzinza bɛ ɛ nee bɛ ɛra wɔ ɛleka nwuanzanwuanza ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:12

Mosisi hanle hilele Ɛdɛnkɛma kɛ, “Nɔhalɛ, wɔze me kɛ, ‘Di menli ɛhye ati fa bɛ kɔ azɛlɛ zɔhane azo’ noko ahenle mɔɔ baboka me la, ɛtɛkanle. Wɔze me kɛ ɛze me kpalɛ kpalɛ, yɛɛ eza mezɔ ɛ nye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:13

Yemɔti mesɛlɛ wɔ, saa mezɔ ɛ nye ɛdeɛ a, ɛnee kile me wɔ ndenle ne mɔ, amaa meazonle wɔ na meazɔ ɛ nye dahuu. Eza kakye kɛ maanle ɛhye le wɔ menli.”

Ayezaya Buluku ne 38:22

Hɛzikaya bizale kɛ, “Duzu sɛkɛlɛneɛ yɛɛ bahile kɛ Ɛdɛnkɛma bayɛ me ayile na meahɔ Ɛdɛnkɛma Ɛzonlenlɛ Sua ne anu a?”

Gyɛlɛmaya Buluku ne 25:30

“Gyɛlɛmaya, ka nrɛlaleɛ ɛhye kɔsɔɔti tia menli ne kɛ: Medame Ɛdɛnkɛma, mebadea nu wɔ anwuma, mebadendɛ meavi me ɛleka nwuanzanwuanza ne; mebadea me menli ne nu kpole kpalɛ, kɛ sonla mɔɔ twihwi vanye ma nu nzule la meatia aleɛabo amra kɔsɔɔti.

Gyɛlɛmaya Buluku ne 7:4

Bɛmmadie mɛlɛbɛla edwɛkɛ ɛhye mɔɔ se, ‘Ɛdɛnkɛma Ɛzonlenlɛ Sua ne ɛne, Ɛdɛnkɛma Ɛzonlenlɛ Sua ne ɛne!’ la bɛdi.