2 Sam 15:21 - BAEBOLO ANZƐƐ BULUKU NWUANZANWUANZA

²¹ Na Yeteeyae buale belemgbunli ne kɛ, “Nana, meka tease Ɛdɛnkɛma metane wɔ kɛ, ɛleka biala mɔɔ me awulae belemgbunli ne kɔ la, saa ewule nu o, ngoane nu o, wɔ sonvolɛ, me nee wɔ bahɔ.”

2 Sam 15:21 ပူးပေါင်းရင်းမြစ်များ

2 Sam 15:22

Na Devidi zele Yeteeyae kɛ, “Baze kɔ ɛ.” Yemɔti Yeteeyae nee ɔ sa zo ne mɔ, mgbanyinli nee ngakula kɔsɔɔti zenle hɔle.

2 Arl 2:2

na Yilaegya zele Yilaehya kɛ, “Mebodo wɔ, kendɛ ɛke na Ɛdɛnkɛma ɛzoa me wɔ Bɛtɛle.” Yilaehya buale kɛ, “Meka tease Ɛdɛnkɛma nee ɛdawɔ kɛ menrɛkpɔkye me nwo menrɛvi ɛ nwo ɛlɛ.” Yemɔti bɛ mu nwiɔ bɛhɔle Bɛtɛle.

2 Arl 2:4

Yilaegya zele Yilaehya kɛ, “Mebodo wɔ, kendɛ ɛke na Ɛdɛnkɛma ɛzoa me wɔ Gyɛleko.” Yilaehya buale kɛ, “Meka tease Ɛdɛnkɛma nee ɛdawɔ kɛ menrɛkpɔkye me nwo menrɛvi ɛ nwo ɛlɛ.” Yemɔti bɛ mu nwiɔ bɛhɔle Gyɛleko.

2 Arl 2:6

Yilaegya zele Yilaehya kɛ, “Mebodo wɔ, kendɛ ɛke na Ɛdɛnkɛma ɛzoa me wɔ Azule Dwɔdan ne anloa.” Yilaehya buale kɛ, “Meka tease Ɛdɛnkɛma nee ɛdawɔ kɛ menrɛkpɔkye me nwo menrɛvi ɛ nwo ɛlɛ.” Yemɔti bɛzile nu bɛhɔle.

2 Arl 4:30

Raalɛ ne zele Yilaehya kɛ, “Meka Ɛdɛnkɛma nee ɛdawɔ kɛ menrɛgyakyi wɔ ɛlɛ.” Yemɔti bɛ mu nwiɔ bɛdwazole bɛhɔle.

Mrɛlɛbulɛ Buluku ne 17:17

Agɔnwolɛma lɛ ɛhulolɛ mekɛ biala, yɛɛ anwongyelelɛ ti a bɛwo adiema nrenya a.

Mrɛlɛbulɛ Buluku ne 18:24

Agɔnwolɛma bie mɔ wɔ ɛkɛ a, bɛyɛ bɛ nwo kɛ bɛle agɔnwolɛma, na agɔnwolɛ ne bie tɛla bɛ nli akunlu.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

2 Kɔl 7:3

Menga ɛhye membu bɛ fɔlɛ, na kɛmɔ meha ye dɛba la, saa yɛde ngoane nu o, yɛwu o, yɛlɛ bɛ nwo ɛhulolɛ kpalɛ mɔɔ kile kɛ dahuu yɛle ko a.

1 Sam 20:3

Devidi buale kɛ, “Ɛ ze ze ye wienyi kɛ ɛkulo me edwɛkɛ, yemɔti yedwenle nwolɛ kɛ, ‘Menrɛmaa Dwɔnatan ɛnrɛde nwolɛ bie, anrɛɛ ɔkɛli nyane.’ Na nɔhalɛ nu, meka Ɛdɛnkɛma nee ɛdawɔ kɛ me ngoane mɔɔ ɛha la le ezinra zɛhae.”

1 Sam 25:26

Ɛdɛnkɛma a ɛhwe wɔ ɛzia mɔɔ yeammaa wɔanli nzenralɛ wɔangu wɔ kpɔvolɛma a. Meka tease Ɛdɛnkɛma kɛ wɔ kpɔvolɛma nee awie biala mɔɔ kulo kɛ ɔsɛkye wɔ la, bɛbadua bɛ kakɛ kɛ bɛdua Neebale la.