2 Sam 15:2 - BAEBOLO ANZƐƐ BULUKU NWUANZANWUANZA

² Alehyenlɛ biala nwonlomɔ mangyee ne Abesalɛm kɔgyinla suakpole ne anlenkɛ kpole ne anloa. Na saa awie lɛ ye edwɛkɛ kamaa belemgbunli aziezie a ɛnee ɔbiza ye kɛ, “Ɛvi suakpole boni azo?” Na saa ɔka kɛ, “Wɔ sonvolɛ, mevi Yizilayɛ abusua ekpunli zɛhae anu” a,

2 Sam 15:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:20

Yemɔti Heemɔ nee ɔ ra Hyikɛm hɔle bɛ suakpole ne anuhɔlɛ kpole ne anloa ɛleka mɔɔ bɛyia la na ɔdendɛle ɔhilele mrenya mɔɔ wɔ suakpole ne azo la kɛ,

2 Sam 19:8

Belemgbunli ne dwazole na ɔhɔdendɛle suakpole ne anlenkɛ kpole ne anloa. Bɛhɔhanle bɛhilele menli ne mɔ kɛ, “Belemgbunli ne de anlenkɛ kpole ne anloa.” Na menli ne mɔ kɔsɔɔti hɔbɔle yiale ye. Yizilayɛma kɔsɔɔti ɛnriandi. Ko biala ɛhɔ ɔdaye ye sua zo.

2 Edk 10:7

Bɛzele ye kɛ, “Saa ɛkile ahunlunyele ɛmaa menli ne, ɛmaa bɛ nye die, na ɛka ɛdendɛlɛ kpalɛ ɛkile bɛ a, bɛbazonle wɔ dahuu.”

Dwobu Buluku ne 24:14

Alehyenlɛ nu, kɔdiawu ne dwazo kɔsia ku ehyianvolɛma; aledwolɛ nu, ɔle awule.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:14

Na mɔɔ Mosisi aye ne ɔ ze nwunle mɔɔ Mosisi ɛlɛyɛ amaa menli ne la ɔhanle kɛ, “Duzu a ɛlɛyɛ wɔamaa menli ne la? Duzu ati a ɛdawɔ ɛ ngomekye ɛkɛdɛnla aze na menli ne amuala kɛgyinla, kɛbɔ wɔ mgbɔlɔka kɛyia toonwo aledwolɛ ɛ?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:16

Saa bɛnyia edwɛkɛ a bɛba na mesiezie bɛ avinli, na memaa bɛnwu Nyamenle mɛla ne nee ye ngyehyɛlɛ ne mɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:26

Na mekɛ biala bɛzieziele menli ne avinli. Edwɛkɛ ne mɔɔ yɛ se la, bɛvale bɛrɛlɛle Mosisi, na bɛzieziele edwɛkɛ ngyebangyeba ne mɔ kɔsɔɔti.

Mrɛlɛbulɛ Buluku ne 4:16

ɔluakɛ menli mɔɔ fa zɔhane adenle zo la ɛnla kyesɛ bɛli ɛtane. Saa bɛtɛmanle awie ɛtɛtule koti a, bɛngola da,

Daneɛle Buluku ne 11:21

Nyamenle soanvolɛ ne hɔle zolɛ hilele nuhua kɛ, “Belemgbunli bieko mɔɔ tɛ awie a bazɔ ɔ sa ava ye azie ebia zo la bavinde azie Selea maanle ne; ɔnrɛhakye bɛ ɔnrɛzie, ɔbalua mɛlɛbɛla adenle zo a yeazie ɔ nwo belemgbunli a.

Edwɛkpa ne kɛmɔ Mateyu hɛlɛle la 27:1

Aleɛ hyenle nwonlomɔ mangyee ne la, sɛlɛvolɛ mgbanyinli ne mɔ amuala nee Dwuu mgbanyima ne mɔ bɔle kpɔkɛ kɛ bɛmaa bɛahu Gyisɛse.

Mɛla 17:8

“Saa edwɛkɛ bie si bɛ sua zo, mɔɔ le kɛ awie ɛhu awie, na bɛkpondɛ kɛ bɛnwu ye kɛ ɔ nye la nwo anzɛɛ ɔ nye ɛnla nwo, anzɛɛ agyadeɛ bie abo zo ɛbɔ kpolera anzɛɛ awie anye fuu yeboda awie anzɛɛ tɛ ɔ nye fuu, na ndɛnebuavolɛma mɔɔ wɔ sua ne azo la ɛngola ɛnnwu ɔ nye ɛmbua a, bɛ kɔsɔɔti bɛhɔ ɛleka ne mɔɔ Ɛdɛnkɛma kɛhile kɛ bɛzonle ye la,

Wulu 4:1

Bowaze hɔle suakpole ne anlenkɛ kpole ne anloa, ɛleka mɔɔ ɔyɛ a bɛyia la na ɔdɛnlanle aze. Yeangyɛ biala yɛɛ kɔliagya ne mɔɔ Bowaze lile ye edwɛkɛ la rale ɛkɛ ne a. Bowaze zele ye kɛ, “Ayi, bɛla badɛnla aze.” Na ɔradɛnlanle aze.