2 Sam 15:18 - BAEBOLO ANZƐƐ BULUKU NWUANZANWUANZA

¹⁸ Ye mgbanyima ne mɔ razenle, na bɛgyinlanle ye foa ko. Ye sinzavolɛma ne mɔ zenle lumuale ɔ nyunlu. Ɛlɔnema ɛya nsia ne mɔɔ ɔ nee bɛ vi Gate la noko zenle lumuale ɔ nyunlu.

2 Sam 15:18 ပူးပေါင်းရင်းမြစ်များ

2 Sam 15:17

Bɛkɔ na bɛhɔdwule awuke ne mɔɔ wɔ sua ne awieleɛ kpalɛ la, bɛgyinlanle.

2 Sam 18:2

Ɔvale ekpunli ko ɔwulale Dwowabe asa anu; ɔvale ekpunli ne mɔɔ tɔ zo nwiɔ la ɔwulale Dwowabe adiema nrenya Zɛluaya ara Abehyae asa anu yɛɛ ɔvale ekpunli ne mɔɔ tɔ zolɛ nsa la ɔwulale Gatenli Yetae asa anu. Akee belemgbunli ne zele menli ne kɛ, “Medame mumua ne me nee bɛ bahɔ.”

2 Sam 20:23

Dwowabe nea Yizilayɛ ɛlɔnema ne anwo zo. Bɛnaya nea belemgbunli ne sinzavolɛma anwo zo;

2 Sam 20:7

Na Dwowabe ɛlɔnema ne, belemgbunli sinzavolɛma nee ɛlɔnema mɔɔ ɛha la lile Abehyae anzi bɛvi Gyɛlusalɛm bɛhɔle Bekelae ara Hyiba ɛhyelɛ.

2 Sam 6:10

Yemɔti Devidi angulo kɛ ɔkɛva Ɛdɛnkɛma Ngyekyeleɛ Ɛlɛka ne ɔkɛhɔ Devidi Suakpole zo (Gyɛlusalɛm), na ɔvale ɔhɔle Obɛde Yidɔm mɔɔ vi Gate la sua nu.

2 Sam 8:18

Gyɛhɔyada ara Bɛnaya a nea Devidi sinzavolɛma ne anwo zo a yɛɛ Devidi amra mrenya ne mɔ le sɛlɛvolɛma.

1 Arl 1:38

Yemɔti sɛlɛvolɛ Zeedɔko, Nyamenle kpɔmanvolɛ Neetan nee Bɛnaya, yɛɛ Kɛlɛtema nee Pɛlɛtema mɔɔ le belemgbunli ne ɔdaye ye sonvolɛma la hɔvale Sɔlɔmɔn dɛnlanle Belemgbunli Devidi ɛkpɔnwɔndua ne azo na bɛ nee ye hɔle Gaehɔn.

1 Edk 18:17

Gyɛhɔyada ara Bɛnaya a nea Devidi sinzavolɛma anwo zo a; yɛɛ Belemgbunli Devidi amra mrenya ne mɔ dedɛ gyima nu gyinlabelɛ mgbole.

1 Sam 23:13

Na Devidi nee ye ɛlɔnema ne mɔɔ kɛyɛ ɛya nsia la vile Kiayela na bɛvale bɛ ti bɛbɔle nu. Mɔɔ Sɔɔlo dele kɛ Devidi vi Kiayela ɛye ɔ nwo la, ɔgyakyile Kiayela ɛhɔlɛ ne.

1 Sam 25:13

Na Devidi zele ɔ sa zo ne mɔ kɛ, “Awie biala ɛzɔ ye konle dadeɛ ne anu boɛ.” Awie biala vale ye dadeɛ ne, Devidi ɔdaye ɔvale ye ɛdeɛ ne, ɔgyakyile menli ɛya nwiɔ ɔ nzi kɛ bɛnlea bɛ ninyɛne ne mɔ, na ɔvale ɛya nna ɔlile ɔ nzi.

1 Sam 27:3

Devidi nee ye ɛlɔnema ne nee bɛ awuke nu amra nee Ekehye dɛnlanle Gate. Devidi nee ye mraalɛ nwiɔ ne, Ahenoam mɔɔ vi Gyɛzɛli nee Abegeli mɔɔ vi Kamɛle mɔɔ Neebale mɔɔ ɛha ɛleka bie la gyale ye bie la noko hɔle.

1 Sam 27:4

Sɔɔlo dele kɛ Devidi ɛnriandi ɛhɔ Gate la, yeamkpo ye bieko.

1 Sam 30:1

Devidi nee ye ɛlɔnema ne zile nu la ye kenle nsa ne azo yɛɛ bɛdwule Zekelage a, na bɛnwunle kɛ Amalɛkema ɛrava Dwuda nyiakɛ maanle ne na bɛbɔ Zekelage, bɛyela sua bɔdenle ne,

1 Sam 30:14

Yɛhɔvale Kɛlɛte maanle ne mɔɔ wɔ Dwuda nyiakɛ la anu ninyɛne kɔsɔɔti nee Kalɛbe abusua ne maanle ne anu debie biala, yɛɛ yɛyelale Zekelage.”

1 Sam 30:9

Yemɔti Devidi nee ye ɛlɔnema ɛya nsia ne belele zile bɛ zo, na mɔɔ bɛradwule Bisɔ azudenle ne anloa la bie mɔ hale ɛkɛ.