2 Sam 15:1 - BAEBOLO ANZƐƐ BULUKU NWUANZANWUANZA

¹ Ɛhye anzi, Abesalɛm nyianle ye konle ehwili nee nwolɛ mgbɔnwɔ yɛɛ sinzavolɛma abulanlu.

2 Sam 15:1 ပူးပေါင်းရင်းမြစ်များ

2 Sam 12:11

Ɛdɛnkɛma se, ‘Mebamaa wɔ abusua ne anu sonla adwazo ɛ nwo zo agyegye wɔ kpole kpalɛ, mebava wɔ mraalɛ ne mɔ meamaa ɛ gɔnwo nrenya, na ɔ nee bɛ bala ewia henlema.

1 Arl 1:33

Na belemgbunli ne zele bɛ kɛ, “Bɛva Sɔlɔmɔn bɛdɛnla medame mumua ne me ɛkpɔnwɔndua ne azo na bɛva me sonvolɛma ne mɔ bɛboka ɔ nwo bɛ nee ye ɛhɔ Gaehɔn.

1 Arl 1:5

Akee Adonaegya mɔɔ ɔ nli a le Hagete la dwazole zile ye ɛbolɛ hanle kɛ, “Medame a medi ebia ne a.” Na ɔboɔboale konle ehwili nee menli mɔɔ ka mgbɔnwɔ la anloa na ɔvale menli abulanlu mɔɔ ko ɔ nyunlu a.

Edwɛndolɛ Buluku ne 20:7

Bie mɔ fa konle ehwili tu bɛ nloa anu, yɛɛ bie mɔ fa mgbɔnwɔ; na yɛmɛ, yɛfa Ɛdɛnkɛma yɛ Nyamenle ne duma a yɛtu yɛ nloa anu a.

Mrɛlɛbulɛ Buluku ne 11:2

Saa adubɛnwo yɛ kpole a, anyiemgba a li ɔ nzi a; na mɔɔ le bɛlɛvo la nwu nrɛlɛbɛ.

Mrɛlɛbulɛ Buluku ne 16:18

Adubɛnwo sɛkye sonla, yɛɛ bɛ nwo zo ɛmemanlɛ maa sonla tu koti.

Mrɛlɛbulɛ Buluku ne 17:19

Sonla mɔɔ kulo mɛladonlɛ la kulo mgbonde; sonla mɔɔ buke ye anlenkɛ wanaanwo la kulo kɛ bɛsɛkye ye.

Mɛla 17:16

Belemgbunli ne, ɔnle kɛ ɔnyia mgbɔnwɔ dɔɔnwo. Ɔnle kɛ ɔfa adenle bie anu kɛ ɔmaa menli ne azia ahɔ Yigyibiti amaa bɛanyia mgbɔnwɔ dɔɔnwo, ɔluakɛ Ɛdɛnkɛma ɛze kɛ, ‘Bɛmmasia bɛ nzi bɛfa zɔhane adenle ne azo ɛlɛ kɛ bɛkɔ ɛkɛ.’

1 Sam 8:11

Samoɛle hilele nuhua hilele bɛ kɛ, “Kɛ bɛ belemgbunli ne bazi azie bɛ la ɛne. Ɔbayɛ bɛ mra mrenya ne mɔ ye ɛlɔnema mɔɔ bie mɔ baha ye konle ehwili ne mɔ, bie mɔ baha ye mgbɔnwɔ, na bie mɔ noko anriandi ali ye konle ehwili ne mɔ anyunlu.