2 Sam 14:7 - BAEBOLO ANZƐƐ BULUKU NWUANZANWUANZA

⁷ Kɛkala, me nwo amra kɔsɔɔti ɛhɔ afoa na bɛze me kɛ, ‘Fa sonla ne mɔɔ hunle ɔ diema ne la bɛla maa yɛhu ye bie.’ Saa bɛyɛ ɛhye a ɛnee ɔkile kɛ bɛnlua me anyevinli ala ɛne. Me hu ɛnrɛnyia ye kɔliagya yɛɛ ye duma baminli ewiade ye anu.”

2 Sam 14:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:45

kɔdwu kɛ ɛ diema ne ɛya ne kɛdwo na ɔ rɛle kɛvi mɔɔ wɔva wɔyɛ ye la, na akee meazoa meamaa bɛarava wɔ. Ɔnle kɛ metɛnla ɛke memaa bɛdabɛ bɛ mu nwiɔ bɛwu kenle ko.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:14

Wɔye me sa wɔvi azɛlɛ ye mɔɔ medidi zolɛ la anwo; wɔvoa me wɔvi ɛ nye zo. Mebadɔ ɛbɔ nu, na eza mgbɔsamgbɔsa adɔ me nwo wɔ azɛlɛ ye azo; saa awie biala nee me yia a, ɔbahu me.”

2 Sam 12:17

Ye mgbanyima ne mɔ hɔbodole ye kɛ ɔdwazo azɛlɛ ne anwo, noko yeandwazo yɛɛ ɔ nee bɛ ando ɛsalɛ.

2 Sam 14:6

Wɔ sonvolɛ raalɛ, melɛ mralɛ mrenya nwiɔ; bɛlile butule wɔ ɛbɔ nu, bɛannyia awie amkpɔda bɛ, yemɔti ko bɔle ɔ gɔnwo debie hunle ye.

2 Sam 14:8

Belemgbunli ne zele raalɛ ne kɛ, “Kɔ sua nu na mebanlea meaziezie wɔ edwɛkɛ ne.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:19

Ahenle ne mɔɔ bɛhu ye la anwo sonla fɔɔnwo a ku ahenle mɔɔ di fɔlɛ ne la a. Ɛleka biala mɔɔ ɔkɛyia ye la, ɔwɔ kɛ ɔku ye.

Edwɛkpa ne kɛmɔ Mateyu hɛlɛle la 21:38

Na mɔɔ abunsama ne nwunle ɔ ra ne la, bɛhanle bɛhilele bɛ nwo ngoko kɛ, ‘Kɔliagya ne ɛne. Bɛrɛla bɛmaa yɛhu ye na yɛva ye agyadeɛ ne!’

Mɛla 25:6

Ralɛ nrenya mɔɔ bɛkɛlumua bɛkɛwo ye la, yemɔ a ɔdi ɔ ze ne mɔɔ ɛwu la agya a, amaa mɔɔ ɛwu la duma amminli Yizilayɛ maanle ne anu.