2 Sam 14:3 - BAEBOLO ANZƐƐ BULUKU NWUANZANWUANZA

³ Na kɔ belemgbunli ne ɛkɛ kɔha edwɛkɛ mɔɔ meka meahile wɔ la kile ye.” Na Dwowabe vale nrɛlaleɛ ne manle ye.

2 Sam 14:3 ပူးပေါင်းရင်းမြစ်များ

2 Sam 14:19

Belemgbunli ne bizale ye kɛ, “Ɛnee Dwowabe a ɛha edwɛkɛ ɛhye ɛhile wɔ a?” Raalɛ ne buale kɛ, “Meka meka kɛ, mekoati wɔ kpuyia ye anwo fee a ɔnyɛ boɛ. Nana, kɛmɔ ɛdawɔ wɔha la, wɔ sonvolɛ Dwowabe yɛɛ bɔle adwenle ɛhye a. Yemɔ yɛɛ ɔhilele me mɔɔ ɔwɔ kɛ meyɛ nee mɔɔ ɔwɔ kɛ meka la amuala a.

2 Sam 14:4

Mɔɔ Tɛkowa raalɛ ne hɔle belemgbunli ne ɛkɛ ne la, ɔdule ɔdɔle ɔ gyakɛ anu enililɛ nu na ɔhanle kɛ, “Nana, mesɛlɛ wɔ, boa me.”

Ɛzela Buluku ne 8:17

Menzoanle bɛ wɔ Kasefaya wɔ Dwuuma kpanyinli ne mɔɔ bɛfɛlɛ ye Yedo la ɛkɛ ne. Menvale nrɛlaleɛ memanle bɛ kɛ bɛva bɛhɔmaa Yedo nee ɔ gɔnwo mɔ Ɛzonlenlɛ Sua ne sonvolɛma ne kɛ bɛva sɛlɛvolɛma mɔɔ yɛ gyima wɔ yɛ Nyamenle ne Ɛzonlenlɛ Sua ne anu la bɛraboka yɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:15

Ka edwɛkɛ ne kile ye na fa wula ɔ nloa; mebamaa wɔ nee ɔdaye ɛnloanlɛ na meahilehile bɛ mɔɔ ɔwɔ kɛ bɛka la.

Ayezaya Buluku ne 51:16

Meva me edwɛkɛ mewula ɛ nloa, yɛɛ meva wɔ mevea me ndɛba abo. Medame a membɔle anwuma, na menwulale azɛlɛ ye adiabo aze, na menzele Gyɛlusalɛmma kɛ, ‘Bɛle me menli’ a.”

Ayezaya Buluku ne 59:21

Na mame, me ngyekyeleɛ mɔɔ me nee bɛ bayɛ la ɛne: Me Sunsum ne mɔɔ wɔ bɛ nwo zo, nee me edwɛkɛ ne mɔɔ meva medua bɛ nloa la ɛnrɛvi bɛ nee bɛ bo zo amra anloa, ɔvi ɛnɛ mɔɔ kɔ nee melɛ mɔɔ ɛnlɛ awieleɛ. Medame Ɛdɛnkɛma a mese a.”

Gyɛlɛmaya Buluku ne 1:9

Akee Ɛdɛnkɛma dendenle ɔ sa, ɔvale ɔhanle me nloa na ɔzele me kɛ, “Nea, meva me edwɛkɛ ne medua ɛ nloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:5

Na Ɛdɛnkɛma vale nrɛlaleɛ manle Beelam na ɔzele ye kɛ, “Sia kɔ Beelake anwo lɔ na ka nrɛlaleɛ ɛhye kile ye.”

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.