2 Sam 14:2 - BAEBOLO ANZƐƐ BULUKU NWUANZANWUANZA

² yemɔti ɔzoanle ɔmanle bɛhɔvale raalɛ bie wɔ Tɛkowa. Raalɛ ne ze nrɛlɛbɛ kpole kpalɛ. Mɔɔ ɔrale la Dwowabe zele ye kɛ, “Kpati yɛ kɛ ɛwɔ nyanelilɛ nu. Keda nyanelilɛ ɛdanlɛ. Mmayɛ ɛ nwo bɔkɔbɔkɔ biala; yɛ kɛ sonla mɔɔ ye awie ɛwu na yeli nyane dedee la.

2 Sam 14:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:19

Raalɛ ne dwazole hɔle, ɔhɔyele ɛdanlɛ ne mɔɔ ɔvale ɔhedale ɔ nyunlu la, na ɔvale ye kunlane adɛladeɛ ne mɔ ɔwulale.

2 Sam 11:26

Batehyɛba dele kɛ bɛhu ɔ hu la ɔzunle ye.

2 Sam 12:20

Akee Devidi dwazole azɛlɛ ne anwo. Ɔbiale ɔ nwo na ɔyɛle ɔ nwo boɛ. Ɔhedale ɛdakpa na ɔhɔle Ɛdɛnkɛma sua ne anu ɔhɔyeyɛle ye. Mɔɔ ɔziale ɔhɔle sua nu la, ɔbizale, na bɛmanle ye debie ɔlile.

2 Sam 20:16

Raalɛ nrɛlɛbɛvolɛ bie wɔ suakpole ne azo. Ɔdeanle nuhua ɔzele kɛ, “Bɛdie, bɛdie! Bɛha bɛhile Dwowabe kɛ ɔrɛla ɔmaa menga edwɛkɛ mengile ye.”

1 Arl 14:2

Yemɔti Gyɛlɔbowam hanle hilele ɔ ye kɛ, “Dwazo, kakyi ɛ nwo sonla gyɛne bie mɔɔ awie ɛngola ɛnnwu wɔ sonla holɛ la na kɔ Hyaelo, wɔ Nyamenle kpɔmanvolɛ Ahaegya mɔɔ zele me kɛ mebazie Yizilayɛma la ɛkɛ ne.

1 Arl 14:5

Ɛdɛnkɛma hanle hilele ye kɛ, “Gyɛlɔbowam aye ne ɛlɛba arabiza wɔ ɔ ra ne mɔɔ ɛlɛwu la anwo. Zɔhane ati anrɛɛ ka ye zɛhae nee ye zɛhae kile ye.” Mekɛ mɔɔ Gyɛlɔbowam aye ne radwule awuke ne anu la, ɔhakyile ɔ nwo kɛ sonla gyɛne bie.

2 Edk 11:6

Ɔkyekyele Bɛtelɛhɛm, Yitam, Tɛkowa,

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

Nihɛmaya Buluku ne 3:27

Tɛkowama eza yɛle bane ne ɛleka mɔɔ nee tawa kpole ne mɔɔ gyi Ɛzonlenlɛ Sua ne azo la anye bɔ zolɛ la boɛ, toonwo bɛhɔdwule Ofɛle bane ne anwo.

Nihɛmaya Buluku ne 3:5

Tɛkowa sua nu amra yɛle mɔɔ zɔ zolɛ la boɛ, noko Tɛkowa ezuavolɛ mgbanyima ne anva bɛ sa anga gyima ne mɔɔ bɛ menle mɔ vale wulale bɛ sa nu la.

Edwɛndolɛ Buluku ne 104:15

yeanyia nwanye yeamaa sonla nye alie, yeanyia nwole yeamaa ɔ nyunlu ada, na yeanyia aleɛ yeamaa sonla nwo ayɛ se.

Nolo 9:8

Dahuu maa wɔ adɛladeɛ anye ɛyɛ bɔkɔbɔkɔ; yɛɛ mmamaa nwole kpa ɛ ti zo ɛlɛ.

Gyɛlɛmaya Buluku ne 6:1

O Bɛngyamanema, bɛnriandi bɛvi Gyɛlusalɛm! Bɛlie bɛ ngoane! Bɛwu aweɛne tendenle ne anu wɔ Tɛkowa na bɛkpɔnla sɛkɛlɛneɛ wɔ Bɛte Hakɛlɛm, ɔluakɛ munzule ɛkpuke sɔlɔ ɛlɛba arazɛkye ninyɛne.

Emɔzo Buluku ne 1:1

Edwɛkɛ mɔɔ mboaneneavolɛ Emɔso mɔɔ vi Tɛkowa la hanle la ɛne. Mɔɔ ɔhale ɛvolɛ nwiɔ na azɛlɛ ne akpusu, mɔɔ ɛnee Ɛzaya a le belemgbunli wɔ Dwuda na Gyɛhowahye ara nrenya Gyɛlɔbowam a le belemgbunli wɔ Yizilayɛ la, Nyamenle yele ninyɛne ɛhye mɔ mɔɔ fane Yizilayɛ maanle ne anwo la hilele Emɔso.

Edwɛkpa ne kɛmɔ Mateyu hɛlɛle la 6:17

Na bɛmɛ, saa bɛkye ɛhɔne a anrɛɛ bɛnrinzi bɛ nwo, na bɛziezie bɛ nwo,

Wulu 3:3

Zɔhane ati nrinzi ɛ nwo, siezie ɛ nwo, na kɔ ɛleka mɔɔ bɛkpogya ma ne la; na anrɛɛ mmamaa ɔnwu wɔ kɔkpula mekɛ mɔɔ ɔkɛli debie na ɔkɛnlo nwanye la.