2 Sam 14:18 - BAEBOLO ANZƐƐ BULUKU NWUANZANWUANZA

¹⁸ Na belemgbunli ne zele raalɛ ne kɛ, “Mmafa debie biala ɛfea me. Edwɛkɛ mɔɔ mebiza wɔ la, kpakye nuhua wienyi ka kile me.” Raalɛ ne hanle kɛ, “Nana, tendɛ.”

2 Sam 14:18 ပူးပေါင်းရင်းမြစ်များ

2 Sam 14:17

Wɔ sonvolɛ raalɛ, menyianle adwenle kɛ me awulae belemgbunli baha me ahonle ado azule nu, ɔluakɛ me awulae belemgbunli le kɛ Nyamenle soanvolɛ la, ɔze kpalɛ, ɔze ɛtane. Ɛdɛnkɛma wɔ Nyamenle ne nee wɔ ɛlua.”

2 Sam 14:19

Belemgbunli ne bizale ye kɛ, “Ɛnee Dwowabe a ɛha edwɛkɛ ɛhye ɛhile wɔ a?” Raalɛ ne buale kɛ, “Meka meka kɛ, mekoati wɔ kpuyia ye anwo fee a ɔnyɛ boɛ. Nana, kɛmɔ ɛdawɔ wɔha la, wɔ sonvolɛ Dwowabe yɛɛ bɔle adwenle ɛhye a. Yemɔ yɛɛ ɔhilele me mɔɔ ɔwɔ kɛ meyɛ nee mɔɔ ɔwɔ kɛ meka la amuala a.

Gyɛlɛmaya Buluku ne 38:14

Belemgbunli Zɛdikaya manle bɛvɛlɛle Gyɛlɛmaya, na ɔyiale ye wɔ Ɛdɛnkɛma Ɛzonlenlɛ Sua ne anlenkɛ kpole ne mɔɔ tɔ zolɛ nsa la anloa. Ɔhanle ɔhilele Gyɛlɛmaya kɛ, “Mebiza wɔ edwɛkɛ, na mmafa ɛhwee ɛfea me.”

Gyɛlɛmaya Buluku ne 38:25

Saa mgbanyima ne mɔ te kɛ me nee wɔ ɛrali adwelie na bɛbaka kɛ, ‘Ka edwɛkɛ mɔɔ ɛhanle ɛhilele belemgbunli ne nee mɔɔ belemgbunli hanle hilele wɔ la kile yɛ, mmafa debie biala ɛfea yɛ na yɛnrɛhu wɔ’ a,