2 Sam 14:14 - BAEBOLO ANZƐƐ BULUKU NWUANZANWUANZA

¹⁴ Ɔwɔ nuhua kɛ yɛ muala yɛbawu. Yɛle kɛ nzule mɔɔ ɛbɔ ɛkponde azɛlɛ nwo la, ɛsa ye bieko a ɔnyɛ boɛ. Nyamenle ɛngu sonla, na ɔfa adenle bie azo ɔmaa sonla mɔɔ ɔdaye Nyamenle yevoa ye la ɛnga ye sonlamgbane nu. Sonla mɔɔ ɛva sulosulo ɛdɔ ɛbɔ nu la noko, belemgbunli kola maa ɔsia ɔba sua nu bieko.

2 Sam 14:14 ပူးပေါင်းရင်းမြစ်များ

2 Sam 11:25

Devidi zele soanvolɛ ne kɛ, “Kɔze Dwowabe kɛ ɔmmadi nyane, ɔluakɛ konle nu, kɛ ɔkɛyɛ biala la sonla kɛwu ala. Se ye kɛ ɔmia ɔ nwo kpalɛ na ɔva suakpole ne.”

2 Sam 14:15

Mera kɛ mebaha edwɛkɛ ɛhye meahile wɔ, Nana, ɔboalekɛ menli ne ɛha me ɛzulolɛ; yɛɛ melɛ anyelazo kɛ ɛkɛyɛ me ɛbizalɛdeɛ ɛkɛmaa me.

1 Arl 11:39

Sɔlɔmɔn ninyɛndane ne ati mebahwe Devidi abo zo amra anzo, noko ɔnrɛyɛ kpole biala.’ ”

Dwobu Buluku ne 14:14

Saa sonla wu a, ɔkɛdɛnla ngoane nu bieko ɔ? Wɔ me ɛzonlenlɛ mekɛ nu mebahendɛ, toonwo me ɛkpɔnelɛ mekɛ adwu.

Dwobu Buluku ne 30:23

Ɛhɛe, meze kɛ ɛbamaa meawu, na meahɔ ɛleka mɔɔ teasema amuala wɔ la.

Dwobu Buluku ne 34:15

menli kɔsɔɔti bawu, na sonla azia ahɔ ndɛtɛlɛ nu.

Dwobu Buluku ne 34:19

Ɔnnea mgbanyima nyunlu ɔnli mɔguazo, yɛɛ ɔmbu sukoavolɛma ɔndɛla ehyianvolɛma, ɔluakɛ bɛ kɔsɔɔti bɛle ɔ sa anloa gyima.

Edwɛndolɛ Buluku ne 22:14

Bɛwola me bɛgua kɛ nzule la, me mbowule ɛhoatihoati; me ahonle le kɛ ɛyɛlɛ, yeholo me kunlu.

Edwɛndolɛ Buluku ne 22:15

Me kɔmenzia ɛwe resee kɛ fulonvule nu; me tafinlima ɛbeta me anwuma awudwɔlɛ. wɔdo me aze wɔ ewule ndɛtɛlɛ nu.

Edwɛndolɛ Buluku ne 58:7

Maa bɛze bɛhɔ kɛ azule mɔɔ ɛdukue la, maa bɛyɛ kɛ ndile, bɛtietia bɛ nwo zo, bɛgyengye.

Edwɛndolɛ Buluku ne 77:8

Asoo ye ɛhulolɛ kpundii ne ɛkpa nwo bɔkɔɔ? Asoo ye ɛwɔkɛbɔlɛ ne ɛwie bɔkɔɔ?

Edwɛndolɛ Buluku ne 79:3

Bɛhwi bɛ mogya bɛgua kɛ nzule, bɛkponde ye Gyɛlusalɛm amuala, yɛɛ awie ɛnle ɛkɛ na yeazie bɛ.

Edwɛndolɛ Buluku ne 90:10

Yɛ ngoane mekɛ le ɛvolɛ abulasuu, saa anwosesebɛ wɔ nu a, abulatwɛ; noko nuhua le ɛvɛlɛ nee nyane ngome; ɔngyɛ ɛnee bɛpɛ nu, ɛnee yɛminli.

Edwɛndolɛ Buluku ne 90:3

Ɛmaa sonla sia kɔ ndɛtɛlɛ nu, na ɛse ye kɛ, “O sonla ra, sia ɛ nzi!”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:13

Na saa yeandwenle nwolɛ yeanzie dɛba, na Nyamenle a ɛmaa yedɔ ɔ sa nu a, ahenle kola nriandi kɔ ɛleka mɔɔ menwɔhile la, amaa yeanyia ɔ ti.

Nolo 9:5

Ɔluakɛ anyewɔzoamra ze kɛ bɛbawu, na mɔwuamra ɛnze ɛhwee, yɛɛ bɛnlɛ ahatualɛ bieko; awie ɛngakye bɛ bieko.

Gyɛlɛmaya Awolɛyelɛ 3:31

Awulae ɛnrɛkpo sonla bɔkɔɔ,

Yizikeɛle Buluku ne 18:23

Medame Awulae Nyamenle, me nye ɛnlie amumuyɛnli ewule nwo. Mɔɔ mekulo la a le kɛ ɔkɛvi ye ɛtane ne mɔ anwo na ɔkɛnyia ngoane.

Sɛlɛ 26:40

“Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:15

Ɛhye mɔ bayɛ ɛvealeka amaa Yizilayɛma nee nyɛvolɛ mɔɔ de maanle ne anu kpɔkpɔ anzɛɛ nyɛvolɛ mɔɔ ɛlɛpɛ nu aze la. Awie biala mɔɔ anye ɛnla nwo na ɔkɛhu sonla la kola nriandi kɔfea biala azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:25

Ɔwɔ kɛ maanlema ne pepɛ die ye fi ahenle ne mɔɔ kpondɛ kɛ ɔsenra ye la asa anu. Ɔwɔ kɛ bɛfa ye bɛkɔ ɛvealeka ne mɔɔ ɔnriandile ɔhɔveale la, na ɔtɛnla ɛkɛ ne toonwo kɔkpula mekɛ mɔɔ Sɛlɛvolɛ Kpanyinli ne mɔɔ bɛkpokpale ye nwole nwuanzanwuanza ne la kɛwu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:28

Ɔluakɛ ɔwɔ kɛ ɔtɛnla ɛvealeka ne toonwo kɔkpula Sɛlɛvolɛ Kpanyinli ne ewule na yeazia yeahɔ ye sua zo.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Ɛzoanvolɛma Gyima ne 10:34

Na Pita zele bɛ kɛ, “Nɔhalɛ, menwu ye wienyi kɛ Nyamenle bu menli kɔsɔɔti kɛ bɛsɛ.

Wulo 2:11

Ɔluakɛ Nyamenle bua menli kɔsɔɔti ndɛne wɔ adenle ko ne ala azo.

Mɛla 10:17

Ɔluakɛ Ɛdɛnkɛma bɛ Nyamenle ne le nyamenle kɔsɔɔti bɛ Nyamenle nee awulae mɔ Awulae; ɔle kpole, ɔle bedevinli na ɔle Nyamenle anwo ɛzulolɛ, mɔɔ ɔnli mɔguazo yɛɛ ɔnlie ndoloboa a.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.