2 Sam 13:4 - BAEBOLO ANZƐƐ BULUKU NWUANZANWUANZA

⁴ Ɔzele Amenɔn kɛ, “Ɛle belemgbunli ra, noko dahuu biala ɛnee wɔyɛ ɛ nwo alɔbɔlɛ alɔbɔlɛ. Ka deɛ holɛ ko mɔɔ ɛlɛgyegye wɔ la kile me.” Amenɔn zele ye kɛ, “Mekulo me diema raalɛ Teemaa, mɔɔ le Abesalɛm ɔ nli ara ɛdeɛ ne.”

2 Sam 13:4 ပူးပေါင်းရင်းမြစ်များ

2 Sam 13:3

Amenɔn lɛ ɔ gɔnwo bie, bɛfɛlɛ ye Dwɔnadabe. Ɔ ze a le Devidi adiema Hyemɛya. Dwɔnadabe le sonla mɔɔ ze adwenle mgbole bɔ a.

2 Sam 13:5

Dwɔnadabe zele ye kɛ, “Da na kpati yɛ kɛ ɛnde kpɔkɛ fee la. Saa wɔ papa ba kɛ ɔbakpɔla wɔ a ka kile ye kɛ, ‘Maa me diema raalɛ Teemaa ɛramaa me debie menli. Maa ɔrado deɛ ne wɔ ɛke na meanlea nu, na eza yeasesa yeawula me nloa anu.’ ”

1 Arl 21:5

Ɔ ye Gyɛzɛbɛle rabizale ye kɛ, “Duzu ati a ɛ rɛle ɛbɔ na yemɔti wɔkpo aleɛ ɛ?”

1 Arl 21:7

Ɔ ye zele ye kɛ, “Na tɛ wɔmɔ a ɛsie Yizilayɛ maanle ye ɔ? Wɔmɔ dwazo di debie maa ɛ nye ɛlie na Neebɔto ɛya ne, mame, mebava meamaa wɔ!”

Ayezaya Buluku ne 3:9

Bɛ mɔguazo ne di daselɛ tia bɛ. Bɛka bɛ nyɛleɛ ɛtane ne mɔ baguasee kɛ Sodɔm la. Bɛnvea nwolɛ. Munzule ɛha bɛ! Ɔluakɛ bɛhwe munzule bɛmaa bɛ nwo.

Gyɛlɛmaya Buluku ne 8:12

Asoo bɛkyi ninyɛne ɛhye mɔ ɛyɛlɛ yɛle bɛ nyiane? Kyɛkyɛ, yeanyɛ bɛ nyiane fee, ɔluakɛ bɛnze nyiane deɛ holɛ. Yemɔti bɛbawu kɛ menli mɔɔ ɛwu la. Kenle mɔɔ menwɔze kɛ metea bɛ la, ɛnee bɛ awieleɛ ne ala ɛne. Medame Ɛdɛnkɛma a mese a.”

Sɛlɛ 18:9

Ɔnle kɛ ɛfa ɛ diema raalɛ mɔɔ ɛ nee ye bɛ ze nee bɛ nli ko, anzɛɛ asolo ɔ ze anzɛɛ ɔ nli la.

Sɛlɛ 20:17

“Saa nrenya fa ɔ diema raalɛ mɔɔ le ɔ ze ara anzɛɛ ɔ nli ara a, bɛ mu nwiɔ bɛgua bɛ nyunlu aze. Ɔle anyiemgba debie, yemɔti ɔwɔ kɛ bɛye bɛ bɛfi bɛ mediema ne mɔ anu. Nrenya ne ɛbɔ ɔ diema raalɛ ne anyiemgba, yemɔti ye amumuyɛ ne zo ye.

Maeka Buluku ne 7:3

Ɛtane ala a bɛdi a, yɛɛ bɛdi ye nrɛlɛbɛ nu kpalɛ. Belemgbunli o, ndɛnebuavolɛ o, biala kpondɛ ndoloboa, yɛɛ menli mgbole ne mɔ ka ɛtane mɔɔ bɛkulo kɛ bɛdi la bɛkile bɛ, bɛ muala bɛdi bɛwula bɛ nwo.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.