2 Sam 13:37 - BAEBOLO ANZƐƐ BULUKU NWUANZANWUANZA

^37-38 Abesalɛm nriandile la ɔhɔle Gihyɛ Belemgbunli Talemae mɔɔ ɔ ze a le Amehɛde la anwo lɔ. Ɔdɛnlanle nehane ɛvolɛ nsa. Devidi zunle ɔ ra Amenɔn hyɛle.

2 Sam 13:37 ပူးပေါင်းရင်းမြစ်များ

2 Sam 13:34

Akee Abesalɛm nriandile. Mekɛ ne anu ala, ɛlɔnenli ne mɔɔ ɛlɛsinza la dole ɔ nye, na ɔnwunle kɛ menli dɔɔnwo vi Hɔlɔneeyem adenle zo ɛlɛtolo boka ne ara.

2 Sam 13:36

Ɔ nloa ampe bɔbɔ ɛnee belemgbunli amra ne mɔ ɛvinde ɛkɛ. Bɛdukuele nuhua bɛzunle bɛmanle belemgbunli nee menli mɔɔ wɔ ɛkɛ ne la amuala zunle bie.

2 Sam 14:13

Raalɛ ne hanle kɛ, “Na duzu ati yɛɛ wɔyɛ ɛtane ɛhye wɔtia Nyamenle menli ne a? Edwɛkɛ ɛhye mɔɔ wɔha la kile kɛ wɔbu ɛ nwo fɔlɛ. Duzu ati a ɛnrɛmaa ɛ ra nrenya ne mɔɔ ɛdɔ ɛbɔ nu la ɛnrɛzia ɛnrɛra ɛ?

2 Sam 14:23

Na Dwowabe hanle ɔ nwo hɔle Gihyɛ hɔvale Abesalɛm rale Gyɛlusalɛm.

2 Sam 14:32

Abesalɛm buale ye kɛ, “Mengɛlale wɔ nrɛlaleɛ kɛ ɛrɛla, amaa meazoa wɔ wɔ belemgbunli ɛkɛ meamaa wɔahɔbiza ye kɛ, ‘Duzu ati a wɔmaa mevi Gihyɛ mera ɛ? Ɔle kpalɛ kɛ anrɛɛ mendɛnlanle nehane.’ Yemɔti mekpondɛ kɛ ɛ nee me kɔ belemgbunli ɛkɛ ne. Saa medi fɔlɛ a ɔhu me.”

2 Sam 15:8

Mekɛ mɔɔ mewɔ Gihyɛ mɔɔ wɔ Arelam la, membɔle ɛwɔkɛ kɛ, ‘Saa Ɛdɛnkɛma boa me maa mesia meba Gyɛlusalɛm a, menwɔhɔzonle ye wɔ Hibulɔn.’ ”

2 Sam 3:3

Keleabe, ɔ nli a le Abegeli mɔɔ Neebale mɔɔ ɛha ɛleka bie la gyale ye la; ɔvi Kamɛle. Abesalɛm, ɔ nli a le Meeyaka, Belemgbunli Talemae mɔɔ vi Gɛhyɔ la ara raalɛ ɔ;