2 Sam 13:36 - BAEBOLO ANZƐƐ BULUKU NWUANZANWUANZA

³⁶ Ɔ nloa ampe bɔbɔ ɛnee belemgbunli amra ne mɔ ɛvinde ɛkɛ. Bɛdukuele nuhua bɛzunle bɛmanle belemgbunli nee menli mɔɔ wɔ ɛkɛ ne la amuala zunle bie.

2 Sam 13:36 ပူးပေါင်းရင်းမြစ်များ

2 Sam 12:21

Akee ye mgbanyima ne mɔ zele ye kɛ, “Nana, yɛnde ɛhye mɔɔ wɔyɛ la abo; mɔɔ kakula ne ɛtɛnyianle ɛtɛwule la, ɛzunlɛ ala a ɛnee ɛsu a, wɔanli debie; na ɔwule ala la ɛdwazole ɛlile debie.”

2 Sam 13:15

Amenɔn anye zo tetele ye la akee ɔkpɔle Teemaa ɔdɛlale kɛ ɔzile ɔhulole ye la. Na ɔzele ye kɛ, “Dwazo, finde kɔ.”

2 Sam 13:35

Na Dwɔnadabe zele belemgbunli ne kɛ, “Nana, kɛmɔ wɔ sonvolɛ menganle la, yeyɛ zɔhane, ɛ mra ne mɔ ɛra.”

2 Sam 13:37

Abesalɛm nriandile la ɔhɔle Gihyɛ Belemgbunli Talemae mɔɔ ɔ ze a le Amehɛde la anwo lɔ. Ɔdɛnlanle nehane ɛvolɛ nsa. Devidi zunle ɔ ra Amenɔn hyɛle.

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”