2 Sam 13:29 - BAEBOLO ANZƐƐ BULUKU NWUANZANWUANZA

²⁹ Kɛmɔ Abesalɛm zele bɛ la, sonvolɛma ne mɔ yɛle ye zɔhane ala. Na Devidi amra ne mɔ mɔɔ hale la vole bɛ mgbɔnwɔ ne mɔ azo nriandile hɔle.

2 Sam 13:29 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 36:24

Zebɛyɔn amra mrenya nwiɔ: Eyaa nee Enaa. (Enaa ɛhye a vale ɔ ze Zebɛyɔn asoaso ne mɔ hɔle adidi wɔ fienemgbole ne anu, mɔɔ ɔhɔvindele nzubula wuluwulu ne mɔ azo la).

2 Sam 12:10

Kɛmɔ wɔkpo me na wɔva Yulaya aye ne la, dadeɛ nloa ewule ɛnrɛvi wɔ abusua ne anu ɛlɛ.

2 Sam 13:30

Mɔɔ bɛlua adenle zo la, nrɛlaleɛ dole Devidi kɛ, “Abesalɛm ɛhu belemgbunli amra ne mɔ kɔsɔɔti, ko bɔbɔ anga.”

2 Sam 14:6

Wɔ sonvolɛ raalɛ, melɛ mralɛ mrenya nwiɔ; bɛlile butule wɔ ɛbɔ nu, bɛannyia awie amkpɔda bɛ, yemɔti ko bɔle ɔ gɔnwo debie hunle ye.

2 Sam 18:9

Arɛlevilɛ nu ala, Abesalɛm hɔkponzale Devidi ɛlɔnema ne bie mɔ. Ɛnee ɔde ɛkpɔnwɔndua zo, na ɛkpɔnwɔndua ne nriandile hɔvale baka kpole bie mɔɔ bɛfɛlɛ ye oku la abo, na Abesalɛm akɔme hɔtosale baka ne ngane ne bie takola avinli manle ɔzinzele anwomanyunlu, na ɛkpɔnwɔndua ne wɔlɔle ɔ nwo hɔle.

1 Arl 1:33

Na belemgbunli ne zele bɛ kɛ, “Bɛva Sɔlɔmɔn bɛdɛnla medame mumua ne me ɛkpɔnwɔndua ne azo na bɛva me sonvolɛma ne mɔ bɛboka ɔ nwo bɛ nee ye ɛhɔ Gaehɔn.

1 Arl 1:38

Yemɔti sɛlɛvolɛ Zeedɔko, Nyamenle kpɔmanvolɛ Neetan nee Bɛnaya, yɛɛ Kɛlɛtema nee Pɛlɛtema mɔɔ le belemgbunli ne ɔdaye ye sonvolɛma la hɔvale Sɔlɔmɔn dɛnlanle Belemgbunli Devidi ɛkpɔnwɔndua ne azo na bɛ nee ye hɔle Gaehɔn.

Mrɛlɛbulɛ Buluku ne 29:12

Saa maanlebuvolɛ di adalɛ ngehanleɛ nzi a, ye mgbanyima yɛ amumuyɛ.

Sɛlɛ 19:19

“Ɔwɔ kɛ bɛdi me mɛla ne mɔ azo. Ɔnle kɛ bɛmaa nyɛmoa gyɛne fola bɛ nyɛmoa. Ɔnle kɛ bɛdua ma ngakyile nwiɔ wɔ ɛya ko ne ala anu, yɛɛ ɔnle kɛ bɛfa ninyɛne ngakyile nwiɔ bɛnwo tɛladeɛ bɛwula.

Maeka Buluku ne 7:3

Ɛtane ala a bɛdi a, yɛɛ bɛdi ye nrɛlɛbɛ nu kpalɛ. Belemgbunli o, ndɛnebuavolɛ o, biala kpondɛ ndoloboa, yɛɛ menli mgbole ne mɔ ka ɛtane mɔɔ bɛkulo kɛ bɛdi la bɛkile bɛ, bɛ muala bɛdi bɛwula bɛ nwo.