2 Sam 13:28 - BAEBOLO ANZƐƐ BULUKU NWUANZANWUANZA

²⁸ Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

2 Sam 13:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:21

Ɔnlonle nwanye ne bie na ɔbole, ɔkpale ɔ nwo na ɔhɔlale ye ndanlɛ sua ne anu.

2 Sam 11:13

Devidi nee ye kpulale bɛ sa wɔ nɔsolɛ nu na bɛnlonle nza. Ɔmanle Yulaya bole kpole kpalɛ, noko eza yeangɔ sua nu. Ɔlale ye kundu ne azo wɔ suakunlu sinzavolɛma sua ne anu.

2 Sam 11:15

Kɛlata ne anu, ɔzele Dwowabe kɛ, “Maa Yulaya ɛli ɛlɔne ne anyunlu kpalɛ kpalɛ, ɛleka mɔɔ konle ne anu yɛ se la, na twe ɛ nwo fi ɔ nwo amaa bɛabɔ ye bɛahu ye.”

2 Sam 12:10

Kɛmɔ wɔkpo me na wɔva Yulaya aye ne la, dadeɛ nloa ewule ɛnrɛvi wɔ abusua ne anu ɛlɛ.

2 Sam 13:27

Noko Abesalɛm hanle toonwo ɔmanle ɔ ze manle ɔ nee Amenɔn nee ɔ mediema mrenya ne mɔ amuala hɔle.

2 Sam 14:6

Wɔ sonvolɛ raalɛ, melɛ mralɛ mrenya nwiɔ; bɛlile butule wɔ ɛbɔ nu, bɛannyia awie amkpɔda bɛ, yemɔti ko bɔle ɔ gɔnwo debie hunle ye.

1 Arl 20:16

Yizilayɛ ɛlɔnema ne dule bɛ bo ewiazo ketekete ne kɛ bɛkɔ Bɛneheedade nee ye ɛlɔnema ne anwo zo. Mekɛ ne anu ɛnee Bɛneheedade nee ye arelemgbunli abulasa nee nwiɔ ne mɔɔ boka ɔ nwo la ɛnlo nza ɛbo zɛhae ala wɔ avanye ne.

Ɛseta Buluku ne 1:10

Kenle nsuu ne azo, mɔɔ ɛnee belemgbunli ne ɛlɛno nza na ɔ nye ɛlie kpalɛ kpalɛ la, ɔzoanle ɔmanle bɛhɔvɛlɛle ɔdaye Belemgbunli Zɛzɛse ɔ ti anwo sonvolɛma nsuu ne mɔɔ di ɔ nzi la ɔmanle bɛrale. Bɛmɛ a le Mɛhuman, Bezeta, Haabona, Begeta, Abageta, Zita, yɛɛ Kaakase.

Edwɛndolɛ Buluku ne 104:15

yeanyia nwanye yeamaa sonla nye alie, yeanyia nwole yeamaa ɔ nyunlu ada, na yeanyia aleɛ yeamaa sonla nwo ayɛ se.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:18

Yemɔti Yigyibiti belemgbunli ne vɛlɛle awolɛdievolɛma ne mɔ na ɔbizale bɛ kɛ, “Duzu ati a bɛyɛ ɛhye, na bɛammaa mralɛ mrenya ne mɔ anga nzule nu a?”

Nolo 10:19

Aleɛ maa sonla sele, nza maa sonla nye die, na ezukoa pɛ debie biala azo.

Nolo 9:7

Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

Daneɛle Buluku ne 5:30

Kenle ko ne nɔe ne ala bɛhunle Babelonia Belemgbunli Bɛlehyaza

Nahum Buluku ne 1:10

Bɛyela kɛ mbowule mɔɔ ɛdo ɛsɛka nu, bɛyela kɛ abɛlɛ dosinli.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Ɛzoanvolɛma Gyima ne 5:29

Na Pita nee ɛzoanvolɛma ne buale kɛ, “Ɔwɔ kɛ yɛtie Nyamenle yɛtɛla sonla.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Maanlebuvolɛma Buluku ne 19:22

Na mekɛ mɔɔ bɛlɛdi debie na bɛ nye ɛlie la, arɛlevilɛ nu ala, suakpole ne azo mrenya bie mɔɔ fa bɛ gɔnwo mɔ mrenya la rabɔle yiale sua ne na bɛbɔle anlenkɛ ne anu ndinlizo. Bɛzele nrenya kpanyinli ne kɛ, “Fa nrenya ne mɔɔ wɔ wɔ sua ne anu la finde maa yɛ nee ye ɛyɛ nrenya nee nrenya.”

Maanlebuvolɛma Buluku ne 19:6

Yemɔti bɛ mu nwiɔ bɛdɛnlanle aze bɛkpulale bɛ sa na bɛnlonle. Akee raalɛ ne ɔ ze zele nrenya ne kɛ, “Maa yɛla na die ɛ nye.”

Maanlebuvolɛma Buluku ne 19:9

Na mɔɔ nrenya ne nee ye mgbɔnla ne nee ye sonvolɛ ne nyianle nwolɛ kɛ bɛkɔ la, ɔ ye ɔ ze ne zele ye kɛ, “Sɛnzɛne ne asɛɛ ɛdɔ; mesɛlɛ wɔ, da. Aleɛ ɛdwo. Die ɛ nye na ɛhyema nwonlomɔ mangyee ne ala ɛkɛhɔ na wɔadwu sua nu.”

Wulu 3:7

Bowaze wiele debie di na ɔvale nwanye ekyi ɔhanle ɔ nloa na ɔ nye liele la, ɔhɔlale ye ma ne azo lɔ. Wulutu yɛle nyaa nyaa hɔyele Bowaze agyakɛ anwo ɛdanlɛ ne na ɔlale ɔ gyakɛ anu ɛkɛ ne.

1 Sam 18:22

Sɔɔlo zele ye sonvolɛma ne kɛ bɛdɛ bɛgua Devidi anzo nu kɛ, “Nea, belemgbunli anye die ɛ nwo kpole, yɛɛ ye sonvolɛma kɔsɔɔti kulo wɔ edwɛkɛ, yemɔti gya ɔ ra raalɛ ne.”

1 Sam 28:10

Na Sɔɔlo vale Ɛdɛnkɛma lile amonle kɛ, “Meka tease Ɛdɛnkɛma kɛ ɛnrɛnyia ɛhye anwo ndeanlɛ biala.”

1 Sam 28:13

Belemgbunli ne zele ye kɛ, “Mmasulo; duzu a wɔnwu ye a?” Raalɛ ne buale ye kɛ, “Menwu kɛ sunsum bie vi azɛlɛ ne anu ɛlɛfinde.”