2 Sam 13:12 - BAEBOLO ANZƐƐ BULUKU NWUANZANWUANZA

¹² Ɔbuale ye kɛ, “Me diema, kyɛkyɛ, mmafa anwosesebɛ, ɛkye me mialera nu ɛ nee me yɛ debie biala, ɔluakɛ ɛbɛla zɛhae, bɛmbɔ ye fee wɔ Yizilayɛ maanle ye anu. Mmabɔ munzule ɛbɛla ɛhye.

2 Sam 13:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:2

Haevaenli Heemɔ, mɔɔ di belemgbunli wɔ sua ne azo la ara Hyikɛm nwunle ye la, ɔhyele ye mialera nu ɔ nee ye lale, ɔguale ɔ nyunlu aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:7

Gyekɔbo amra mrenya ne mɔ dele edwɛkɛ ne la, bɛziale bɛrale sua zo. Bɛvale ɛya na bɛyɛle kɛ bɛnrɛkponle, ɔboalekɛ yebɔ munzule wɔ Yizilayɛ kɛ ɔ nee Gyekɔbo ara raalɛ ɛla a. Ɔnle kɛ debie zɛhae si Yizilayɛ maanle nu fee.

Mrɛlɛbulɛ Buluku ne 7:7

na menwunle kpavolɛ bie wɔ mgbavolɛ bie mɔɔ ɛnze nwolɛ bie la avinli kɛ yemɔ ɔnze nrɛlɛbɛ fee.

Gyɛlɛmaya Buluku ne 29:23

Ɔboalekɛ bɛbɔ koasea ɛbɛla wɔ Yizilayɛ. Bɛva bɛ gɔnwo mɔ mraalɛ, yɛɛ bɛva me duma bɛha Nyamenle nrɛlaleɛ bɛbɔ adalɛ wɔ mekɛ mɔɔ meanze bɛ zɔhane la. Medame a meze mɔɔ bɛyɛ la a, yɛɛ medi bɛ nyɛleɛ nwo daselɛ. Medame Ɛdɛnkɛma a mese a.”

Sɛlɛ 18:11

Ɔnle kɛ ɛfa ɛ ze aye ara raalɛ, mɔɔ ɛ ze a ɛwo ye la; ɔle ɛ diema raalɛ.

Sɛlɛ 18:9

Ɔnle kɛ ɛfa ɛ diema raalɛ mɔɔ ɛ nee ye bɛ ze nee bɛ nli ko, anzɛɛ asolo ɔ ze anzɛɛ ɔ nli la.

Sɛlɛ 20:17

“Saa nrenya fa ɔ diema raalɛ mɔɔ le ɔ ze ara anzɛɛ ɔ nli ara a, bɛ mu nwiɔ bɛgua bɛ nyunlu aze. Ɔle anyiemgba debie, yemɔti ɔwɔ kɛ bɛye bɛ bɛfi bɛ mediema ne mɔ anu. Nrenya ne ɛbɔ ɔ diema raalɛ ne anyiemgba, yemɔti ye amumuyɛ ne zo ye.

Mɛla 22:21

ɛnee bɛva raalɛ ne bɛvinde bɛhɔ ɔ ze anuhɔlɛ lɔ na mrenya mɔɔ wɔ suakpole ne azo la ɛzi ye awolɛ ɛhu ye, ɔboalekɛ yebɔ anyiemgba ɛbɛla wɔ Yizilayɛ, ɔbɔle adwɔmane wɔ ɔ ze sua nu kolaa na bɛagya ye. Bɛyɛ ye zɔhane bɛva bɛdu munzule biala abo.

Mɛla 22:29

ɔwɔ kɛ nrenya ne mɔɔ nee raalɛ ne lale la tua asoa ezukoa dwɛtɛ fufule abulanlu maa kakula raalɛ ne ɔ ze na ɔfa raalɛ ne ɔyɛ ɔ ye, ɔboalekɛ ɔhyele ye mianleranu a ɔvale ye a. Ɔngola ɔmbɔ ye ewole ɛlɛ wɔ mekɛ mɔɔ ɔdaye nrenya ne ɔde ngoane nu la.

Maanlebuvolɛma Buluku ne 19:23

Na awuke menle ne vindele doale bɛ na ɔzele bɛ kɛ, “Me mediema, adenle ɛnle ɛkɛ. Bɛmmayɛ amumuyɛ. Nrenya ye le me sokoɛvolɛ. Bɛmmabɔ munzule ɛbɛla biala.

Maanlebuvolɛma Buluku ne 20:6

Na menvale funli ne mempepɛle nu bulu nee nwiɔ, na mengyɛle memanle Yizilayɛ mbusua ekpunli ekpunli bulu nee nwiɔ ne. Ɔluakɛ bɛyɛ mɔɔ bɛnyɛ la, na bɛbɔ munzule wɔ Yizilayɛ maanle ye anu.