2 Sam 12:26 - BAEBOLO ANZƐƐ BULUKU NWUANZANWUANZA

²⁶ Dwowabe nee Amɔnoma honle na ɔvale suakpole Relaba.

2 Sam 12:26 ပူးပေါင်းရင်းမြစ်များ

2 Sam 11:1

Nyenyensuo ne anu, ɛvolɛ ne anu mekɛ mɔɔ arelemgbunli ne mɔ fa ko bɛ konle ne mɔ la, Devidi zoanle Dwowabe nee ye mgbanyima nee Yizilayɛ ɛlɔnema kɔsɔɔti manle bɛhɔbɔle Amɔnoma abo zo bɔkɔɔ na bɛvale suakpole Relaba. Devidi ɔdaye mumua ne yeangɔ bie, yemɔ ɔdɛnlanle Gyɛlusalɛm.

2 Sam 11:25

Devidi zele soanvolɛ ne kɛ, “Kɔze Dwowabe kɛ ɔmmadi nyane, ɔluakɛ konle nu, kɛ ɔkɛyɛ biala la sonla kɛwu ala. Se ye kɛ ɔmia ɔ nwo kpalɛ na ɔva suakpole ne.”

2 Sam 12:25

na ɔmanle Nyamenle kpɔmanvolɛ Neetan hɔdonle ye duma Gyɛdedaya, ɔboalekɛ Ɛdɛnkɛma hulole ye.

2 Sam 12:27

Ɔzoanle ɔmanle bɛhɔbɔle Devidi amaneɛ kɛ, “Mehɔteta suakpole Relaba na meva ɛleka mɔɔ bɛnyia bɛ nzule la.

2 Sam 17:27

Mɔɔ Devidi dwule Meehaneeyem la, Neehahye ara Hyobae mɔɔ vi Relaba mɔɔ wɔ Amɔnoma maanle nu la, Abeɛle ara Meekɛ mɔɔ vi Lodɛbaa yɛɛ Bazeleeyae mɔɔ vi Wulogɛlem mɔɔ wɔ Geleade la rayiale ye adenle.

Edwɛndolɛ Buluku ne 60:9

Nwane a kɛva me kɛhɔ suakpole ne mɔɔ bɛhye nwo la azo a? Nwane a kɛva me kɛhɔ Yidɔm a?

Yizikeɛle Buluku ne 25:5

Mebamaa Relaba ayɛ adidileka amaa afunlumu, na Amɔnoma sua ne ayɛ nyɛmoa tunli, na bɛanwu kɛ medame a mele Ɛdɛnkɛma a.’

Mɛla 3:11

(Ɛnee Beehyan Belemgbunli Ɔɔgo angomekye yɛɛ ɛha wɔ Rilipeeyemma anu mɔɔ de ngoane nu a. Ye ɛkpa mɔɔ ɔda zolɛ la le bulalɛ, ye tendenle le mita nna yɛɛ ye tɛtɛlɛ le asɛɛ mita nwiɔ. Ɛkpa zɛhae tɛbɔ Amɔlema suakpole bie mɔɔ bɛfɛlɛ ye Relaba la azo kɛkala.)