2 Sam 12:22 - BAEBOLO ANZƐƐ BULUKU NWUANZANWUANZA

²² Devidi buale kɛ, “Mɔɔ kakula ne de aze la mengyele ɛhɔne menzunle; ɔluakɛ mendwenlenle kɛ, ‘Nwane a ze a? Bie a ɛnee Ɛdɛnkɛma ɛnwu me anwunvɔne na yemaa yede kpɔkɛ.’

2 Sam 12:22 ပူးပေါင်းရင်းမြစ်များ

2 Sam 12:21

Akee ye mgbanyima ne mɔ zele ye kɛ, “Nana, yɛnde ɛhye mɔɔ wɔyɛ la abo; mɔɔ kakula ne ɛtɛnyianle ɛtɛwule la, ɛzunlɛ ala a ɛnee ɛsu a, wɔanli debie; na ɔwule ala la ɛdwazole ɛlile debie.”

2 Arl 20:3

“Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu yɛɛ mebɔ mɔdenle biala kɛ menwɔyɛ debie biala mɔɔ ɛkpondɛ kɛ meyɛ la.” Na ɔbɔle ɔ bo kɛ ɔsu.

Ayezaya Buluku ne 38:5

Ɔse, “Kɔ na kɔze Hɛzikaya kɛ, medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne yɛɛ menwu wɔ monle mɔɔ wɔhwi la. Nea, mebava ɛvolɛ bulu nee nnu meaboka wɔ ngoane mekɛ ne anwo.

Dwowɛle Buluku ne 1:14

Bɛmaa menli ne ɛhye ɛhɔne; bɛvɛlɛ Nyamenlezonlenlɛ ayia. Bɛboɔboa mgbanyima ne mɔ nee menli kɔsɔɔti mɔɔ wɔ azɛlɛ ne azo la anloa wɔ Ɛdɛnkɛma bɛ Nyamenle ne Ɛzonlenlɛ Sua ne anu na bɛzu bɛvɛlɛ Ɛdɛnkɛma.

Dwowɛle Buluku ne 2:14

Wɔannea Ɛdɛnkɛma bahakyi ye adwenle, yeagyakyi bɛ nyilalɛ dɔɔnwo wɔ ɛhye anzi, amaa bɛava ma nee nza azubɔdeɛ bɛamaa Ɛdɛnkɛma bɛ Nyamenle ne.

Emɔzo Buluku ne 5:15

Kyi mɔɔ le ɛtane la, na kulo mɔɔ le kpalɛ la, na nea maa nɔhalɛlilɛ ɛrɛla edwɛkɛlilɛ ɛleka ne mɔ; wɔannea a Ɛdɛnkɛma, Tumivolɛ Nyamenle ne kɛnwu Dwosefi abo zo amra ne mɔɔ ɛha la anwunvɔne.

Dwona Buluku ne 1:6

Yemɔti kpanyinli ne mɔɔ nea meli ne azo la hɔdunwuele ye na ɔzele ye kɛ, “Duzu ati a wɔmɔ wɔlafe a? Dwazo na fɛlɛ wɔ nyamenle ne mɔɔ ɛsonle ye la. Wɔannea a ɔkɛyɛ kɛ wɔmɔ wɔ nyamenle ɛdeɛ ne se anwunvɔne. Fɛlɛ ye maa ɔlie yɛ na yɛwie wu!”