2 Sam 12:19 - BAEBOLO ANZƐƐ BULUKU NWUANZANWUANZA

¹⁹ Mɔɔ Devidi nwunle kɛ mgbanyima ne mɔ ɛlɛtu bɛ nwo azukue ngoko la, ye adwenle vale manle ye kɛ kakula ne ɛwu. Yemɔti ɔbizale bɛ kɛ, “Kakula ne ɛwu ɔ?” Bɛbuale ye kɛ, “Ɛhɛe, yewu.”

2 Sam 12:19 ပူးပေါင်းရင်းမြစ်များ

2 Sam 12:18

Ye kenle nsuu ne azo, kakula ne wule, na ɛnee akee mgbanyima ne mɔ sulo kɛ bɛkɛbɔ Devidi amaneɛ. Bɛhanle kɛ, “Mɔɔ kakula ne ɛtɛwule bɔbɔ la, yɛka edwɛkɛ a ɔndie; nienwu bɔbɔ yɛɛ akee yɛpe na yɛabɔ ye amaneɛ kɛ kakula ne ɛwu a? Wɔannea a ɛnee yeyɛ ɔ nwo debie yeyɛ yɛ.”

2 Sam 12:20

Akee Devidi dwazole azɛlɛ ne anwo. Ɔbiale ɔ nwo na ɔyɛle ɔ nwo boɛ. Ɔhedale ɛdakpa na ɔhɔle Ɛdɛnkɛma sua ne anu ɔhɔyeyɛle ye. Mɔɔ ɔziale ɔhɔle sua nu la, ɔbizale, na bɛmanle ye debie ɔlile.

2 Sam 13:39

Na mɔɔ akee Devidi arɛle vile Amenɔn ewule ne la, ɔ nwo lɔle ɔ ra Abesalɛm.

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.