2 Sam 12:13 - BAEBOLO ANZƐƐ BULUKU NWUANZANWUANZA

¹³ Devidi zele Neetan kɛ, “Meyɛ ɛtane metia Ɛdɛnkɛma.” Neetan zele Devidi kɛ, “Ɛdɛnkɛma ɛva wɔ ɛtane ɛhyɛ wɔ; ɛnrɛwu.

2 Sam 12:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:9

Melɛ tumi wɔ awuke ye anu kɛ ɔdaye ala la, yɛɛ ɔtɛtuale me kɛ memmafa me sa meka debie biala kɛ ɛdawɔ ala, ɔboalekɛ ɔ ye a le wɔ. Duzu ati yɛɛ akee menwɔyɛ amumuyɛ kpole ɛhye, na menwɔyɛ ɛtane menwɔtia Nyamenle ɛ?”

2 Sam 24:10

Mɔɔ Devidi wiele menli ne tia la ye adwenle bule ye fɔlɛ. Na ɔhanle kɛ, “Ɛdɛnkɛma, meyɛ ɛtane kpole wɔ mɔɔ meyɛ la anwo. Mesɛlɛ wɔ, fa wɔ sonvolɛ, me ɛtane kyɛ me, ɔluakɛ meli ngoaseasɛm.”

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

1 Arl 13:4

Belemgbunli Gyɛlɔbowam dele Nyamenle sonla ne edwɛkɛ mɔɔ ɛha wɔ azukponle ne anwo wɔ Bɛtɛle la, ɔdendenle ɔ sa wɔ Nyamenle kpɔmanvolɛ ne anwo na ɔdeanle nuhua kɛ, “Bɛhye ye!” Na ɛkɛ ne ala ɔ sa ne mɔɔ ɔdendenle la tenlenle mɔɔ ɔfa ɔmeta ɔ nwo a ɔnyɛ boɛ a.

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

2 Arl 1:9

Na Belemgbunli zoanle ye safohyenlema ne anu ko manle ɔvale menli abulanlu kɛ bɛhɔva Yilaegya bɛrɛla. Safohyenle ne nee ye ɛlɔnema ne hɔdole Yilaegya wɔ boka bie azo na ɔzele ye kɛ, “Nyamenle sonla, belemgbunli se yɛrava wɔ yɛrɛla.”

1 Edk 21:8

Na Devidi zɛlɛle Nyamenle kɛ, “Meyɛ ɛtane kpole kɛ meyɛ ɛhye a. Mesɛlɛ wɔ, fa kyɛ me na meandwenle nwolɛ.”

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

Dwobu Buluku ne 33:27

na ɔto edwɛne ɔkile menli, ɔse kɛ, ‘Menyɛle ɛtane, na mengyile nɔhalɛ, na meannyia nwolɛ ndeanlɛ.

Edwɛndolɛ Buluku ne 103:12

Kɛ aduduleɛ nee adɔleɛ avinli si twe la, zɔhane ala yɛɛ ɔye yɛ ɛtane ne mɔ ɔmaa yɛ nee bɛ avinli twe a.

Edwɛndolɛ Buluku ne 51:16

Ɔluakɛ ɛ nye ɛnlie azubɔlɛ nwo; saa mefa ɛyelalɛ azubɔdeɛ bɔbɔ memaa wɔ a, ɛ nye ɛnrɛlie nwolɛ.

Edwɛndolɛ Buluku ne 51:4

Wɔmɔ ala yɛɛ mevo wɔ, na mebɔ munzule ɛbɛla ɛhye wɔ ɛ nyunlu a, amaa wɔ ndɛnebualɛ ayɛ fɔɔnwo na wɔanli ɛzonle wɔ wɔ ndɛnebualɛ nu.

Edwɛndolɛ Buluku ne 51:6

Nea, ɛkpondɛ nɔhalɛ mɔɔ wɔ sonla nu la; yemɔti kile me nrɛlɛbɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:27

Akee belemgbunli zoanle menli manle bɛhɔvɛlɛle Mosisi nee Aalɔn na ɔzele bɛ kɛ, “Meyɛ ɛtane. Ɛdɛnkɛma di benle. Me nee me menli ne yɛdi fɔlɛ.

Mrɛlɛbulɛ Buluku ne 25:12

Saa sonla mɔɔ ze nrɛlɛbɛ la twi sonla mɔɔ le tieyɛ la anyunlu a ɔle kɛnlɛma kɛ ezukoa nvutuke kpɔdelera anzɛɛ kpɔba.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Ayezaya Buluku ne 38:17

Nea, me kpalɛyɛlɛ ti Yɛɛ menwu amaneɛ kpole zɛhae a. Noko wɔye me wɔvi ewule nu, Ɔluakɛ wɔva me ɛtane kɔsɔɔti wɔhyɛ me.

Ayezaya Buluku ne 43:24

Bɛtɛfale bɛ ezukoa bɛtɛtɔle baka evuanlɛ bɛtɛmanle me, yɛɛ bɛtɛfale bɛ nane mɔɔ ɛlɔ la bɛtɛbɔle azu bɛtɛmanle me. Na bɛmɛ, bɛ ɛtane ne mɔ ɛbo me nwo zo, bɛva bɛ amumuyɛ nyɛleɛ ne mɔ bɛgyegye me.

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Gyɛlɛmaya Awolɛyelɛ 3:32

ɔtea ye, noko ɔse anwunvɔne, kɛmɔ ye ɛhulolɛ kpundii ne kpole de la,

Sɛlɛ 20:10

“Saa nrenya fa ɔ gɔnwo aye a, bɛhu nrenya ne nee raalɛ ne bɛ mu nwiɔ.

Sɛlɛ 24:17

“Awie biala mɔɔ kɛhu sonla la, ɔwɔ kɛ bɛku ye,

Zɛkalaya Buluku ne 3:4

Na Nyamenle soanvolɛ ne zele bɛdabɛ mɔɔ bɛgyigyi ɔ nyunlu ɛkɛ ne la kɛ, “Bɛyeye adɛladeɛ evinli ɛtane ne mɔ ɔ nwo.” Akee ɔhanle ɔhilele Dwɔhyua kɛ, “Nea, meye wɔ ɛtane ne mɔ kɔsɔɔti mevi ɛ nwo, na mebava adɛladeɛ ngɛnlɛma meawula wɔ.”

Edwɛkpa ne kɛmɔ Mateyu hɛlɛle la 14:10

Yemɔti Hɛlɔdo manle bɛhɔpɛle Dwɔn ati wɔ efiade ne.

Edwɛkpa ne kɛmɔ Luku hɛlɛle la 15:21

Ralɛ nrenya kakula ne hanle hilele ɔ ze kɛ, ‘Egya, meyɛ ɛtane metia Nyamenle nee ɛdawɔ. Kɛkala, menfɛta kɛ ɛkɛvɛlɛ me ɛ ra bieko.’

Edwɛkpa ne kɛmɔ Luku hɛlɛle la 18:13

“Na adwuledievolɛ ne gyinlanle ahane ɛleka bie, yeangulo kɛ ɔkɛkpogya ɔ ti zo bɔbɔ. Ɔvale ɔ sa ɔguale ye ɛbolɛ zo na ɔzele kɛ, ‘O Awulae Nyamenle, nwu me anwunvɔne na mele ɛtanevolɛ!’ ”

Ɛzoanvolɛma Gyima ne 2:37

Mɔɔ menli ne dele ɛhye la, ɛzulolɛ kpole hanle bɛ na bɛbizale Pita nee ɛzoanvolɛma ne mɔ kɛ, “Ayi mɔ, duzu a ɔwɔ kɛ yɛyɛ a?”

Kɛlata mɔɔ bɛhɛlɛle bɛhɔmanle Hibuluma la 9:26

ɔluakɛ saa ɔle zɔhane a, anrɛɛ ɔkile kɛ ɔwɔ kɛ Kelaese nwu amaneɛ fane dɔɔnwo, ɔvi ewiade mɔlebɛbo ne. Noko ɔrale kokye wɔ mekɛ mɔɔ ninyɛne kɔsɔɔti ɛlɛkɔ awieleɛ la, na ɔvale ye mogya ɔbɔle azu ne ɔnununle ɛtane muala.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

1 Sam 15:20

Sɔɔlo buale Samoɛle kɛ, “Mendiele Ɛdɛnkɛma ane. Mengɔle ye ɛzoanlɛ ne, mengyele Belemgbunli Egage anyewɔzo membale na mengunle Amalɛkema mɔɔ ɛha la kɔsɔɔti.

1 Sam 15:30

Sɔɔlo buale ye kɛ, “Meyɛ ɛtane ɛdeɛ, noko di me eni ekyii bɔbɔ wɔ me mgbanyima ne mɔ nee Yizilayɛma anyunlu. Ɛ nee me ɛhɔ Gelegale maa mengɔnzonle Ɛdɛnkɛma wɔ Nyamenle ne.”