2 Sam 12:12 - BAEBOLO ANZƐƐ BULUKU NWUANZANWUANZA

¹² Ɛyɛle wɔ ɛtane ɛdeɛ ne fealera nu, na mebamaa ɛhye azi ewiazo meamaa Yizilayɛma kɔsɔɔti anwu ye.’ ”

2 Sam 12:12 ပူးပေါင်းရင်းမြစ်များ

2 Sam 16:22

Yemɔti bɛzile ndanlɛ sua wɔ suakunlu azua ne mɔ ko ati zo, na Abesalɛm nee ɔ ze mgbɔnla ne mɔ lale ngoko ngoko wɔ Yizilayɛma kɔsɔɔti anye zo.

Dwobu Buluku ne 31:10

ɛnee maa me ye ɛdo nrenya fofolɛ aleɛ, na maa nrenya gyɛne ɛvo ye ɛzɔlɛ zo.

Dwobu Buluku ne 34:22

Awozinli ɛnle ɛleka biala mɔɔ ɛtanevolɛma fea nu a ɔyɛ boɛ a.

Nolo 12:14

Ɔluakɛ Nyamenle babua debie biala mɔɔ yɛyɛ, nee awozinli nu nyɛleɛ biala anwo ndɛne, kpalɛ o, ɛtane o.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.