2 Sam 12:10 - BAEBOLO ANZƐƐ BULUKU NWUANZANWUANZA

¹⁰ Kɛmɔ wɔkpo me na wɔva Yulaya aye ne la, dadeɛ nloa ewule ɛnrɛvi wɔ abusua ne anu ɛlɛ.

2 Sam 12:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:3

Na Nyamenle rahanle Abemɛlɛke ɛlalɛ kɛ, “Nea, raalɛ ne mɔɔ wɔhɔva ye la ati, wɔwu wɔwie; ɔluakɛ ɔle awie aye.”

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

1 Arl 15:5

Ɔboalekɛ Devidi nyɛleɛ zɔle Ɛdɛnkɛma anye yɛɛ ɔyɛle debie biala mɔɔ Ɛdɛnkɛma zele ye la. Ɛleka mɔɔ ɔvonle la a le edwɛkɛ ne mɔɔ fane Hɛtenli Yulaya anwo la ala.

Mrɛlɛbulɛ Buluku ne 17:13

Sonla mɔɔ fa ɛtane tua kpalɛ kakɛ la, munzule ɛnrɛkpa ye awuke nu ɛlɛ.

Emɔzo Buluku ne 7:9

Ɛleka ne mɔ mɔɔ Ayezeke zonlenle la, mebazɛkye bɛ. Mebazɛkye Yizilayɛ ɛleka nwuanzanwuanza ne mɔ. Mebamaa belemgbunli Gyɛlɔbowam abo zo amra amuala awu dadeɛ nloa.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:20

na bɛbali toonwo siane mumua ko, toonwo yeavindevinde bɛ bonyi nu, mɔɔ nzinlii bɛnwu ye bɔbɔ a ɛnee ɔyɛ ayahanlɛ a. Ɛhye bazi, ɔboalekɛ bɛkpo medame, Ɛdɛnkɛma mɔɔ mede bɛ avinli la, na bɛzu bɛha kɛ, ‘Duzu ati bɔbɔ yɛɛ yɛvile Yigyibiti a?’ ”

Edwɛkpa ne kɛmɔ Mateyu hɛlɛle la 26:52

Gyisɛse zele ye kɛ, “Fa wɔ dadeɛ ne wula ye boa ne anu, ɔluakɛ bɛdabɛ mɔɔ bɛtwe dadeɛ la, bɛwu dadeɛ nloa.

Edwɛkpa ne kɛmɔ Mateyu hɛlɛle la 6:24

“Awie biala ɛnrɛhola ɛnrɛzonle menlenlɛ nwiɔ, ɔluakɛ saa ɔyɛ ye zɔhane a ɔbahulo ko na yeakpɔ ko, anzɛɛ ɔbali ko eni na yeakpo ko. Zɔhane ala yɛɛ bɛnrɛhola Nyamenle nee ezukoa sonle a.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.